Burela 30-9-17. Tres de tres, sen erro. O triunfo do Pescados Rubén Burela FS desta tarde en Vista Alegre fronte a UCAM ElPozo Murcia (4-2) dálle o liderado en solitario ás laranxas, tras o empate entre Ourense Envialia FSF e Móstoles FSf (1-1). “O equipo traballou moito ante un rival moi guerreiro e dinámico, que veu defender a 30 metros, non deixou de correr e con moita mobilidad que nos obrigou a ter un gran despregue. Fixemos unha primeira parte moi boa e un bo final; co xogo de cinco puxéronnos a cousa complicada pero nós tamén tiñamos ben traballada esa arma”, explicaba Julio Delgado ao remate.
Cilene abriu o marcador no minuto 12, desde fóra da área, tras parede con Dany. Segundos despois, as mariñás dispuxeron doutra boa chegada, que freou Cristina coas mans. A sintonía entre Judith e Tai non funcionou no 17, cun gran pase da brasileira que despexou Cristina cando a rozaba a 15. Con todo, si o fixo no 18, iniciando o que sería o 2-0; Tai serviulle a Dany un balón longo de Judith, que a 3 laranxa sentenciou tras repelerla o pau en tentativa de costas.
Volveron os equipos á pista con cambio de protagonistas baixo paus, a laranxa Jozi e a levantina Sonia. Antes de cumprirse o primeiro minuto, as burelistas xa avisaron e volveu facelo Cilene no 24; antes, Toñi protagonizara unha perigosísima tras galopada de Cristina. Despois da ocasión da 6 laranxa, o UCAM enfundou a Noelia na camisola de porteira-xogadora; foi a 16 visitante precisamente a que reduciu as distancias a poucos segundos, materializando desde os 6 metros, tras falta de Sara Correia. Cobrou entón un punto de tolemia o encontro, con boas ocasións das galegas. No 28, o Pescados Rubén recuperou certa serenidade con xogo de cinco no minuto 28. Julia asinou o 3-1 no 35, a pase de Lara, pero de novo a estratexia de porteira xogadora deulle ás ao UCAM, co 3-2, de Lola. Bea Mateos liderou, unha vez máis, a ofensiva das locais de cinco e asistir a Tai no 4-2 (minuto 37). A falta de 38 segundos aínda tiveron o quinto as de Julio Delgado e Lucas.
Ficha técnica
Pescados Rubén Burela FS: Ana Romero, Dany, Cilene, Bea Mateos, Julia Forsiuk, cinco inicial; tamén xogaron Tai, Lara, Sara Correia, Judith, Jozi
UCAM ElPozo Murcia FSF: Cristina García, Cristina Pérez, J. Weckerle, Noelia, Rocío, cinco inicial; tamén xogaron Sara, Gloria, Toñi, Hinako, Lola, Sonia
Goles: 1-0, minuto 12, Cilene; 2-0, minuto 18, Dany; 2-1, minuto 24, Noelia; 3-1, minuto 35, Julia; 3-2, minuto 35, Lola; 4-2, minuto 38, Tai
Árbitros: González Alvedro (A Coruña) //Coello Martínez (A Mariña). Por Burela, amarela a Lara. Por UCAM amarela a Gloria, J. Weckerle
Incidencias: Partido da terceira xornada de Primeira División RFEF disputado en Vista Alegre, ante uns 400 afeccionados/as. Minuto de silencio inicial polo falecemento do concelleiro de Protección Civil e Sanidade de Burela, Ramón Vázquez Andrade.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
