Lugo, 9 de outubro de 2017. O Deputado de Deportes, Pablo Rivera Capón, xunto ao Alcalde de Xermade, Roberto García Pernas, e o Concelleiro de Deportes, Carlos Alberto Guerra González, presentou este luns a oitava edición da Carreira Popular de Xermade, que terá lugar no municipio chairego o vindeiro sábado, 21 de outubro a partir das 17:00 horas, e que reunirá a preto de 300 persoas de todas as idades.
O Goberno da Deputación colabora co Concello na organización desta actividade cunha achega de 8.000 euros, coa que tamén permite a celebración doutras iniciativas deportivas como a Copa Concello de Xermade, a Pedalada Solidaria ou un proxecto de envellecemento activo no municipio.
Rivera Capón subliñou que “a nosa colaboración con esta Carreira Popular, que xa se ten feito un oco no calendario galego, pois suma oito edicións, enmárcase na aposta por potenciar turisticamente e dinamizar a economía dos Concellos a través de eventos que reúnen a un gran número de persoas como é o caso desta proba deportiva que, polas súas características, cada ano suma adeptos. Esta é unha das liñas de actuación que define o primeiro Plan Estratéxico de Turismo, totalmente participativo, que elaboramos dende o Goberno da Deputación para impulsar a economía lucense e xerar emprego a través deste sector”.
A proba, aberta a todos os atletas, federados ou non, e público en xeral, sairá da Praza do Concello (no caso de que o tempo non o permita será desde o pavillón polideportivo) e discorrerá por vías do municipio de Xermade.
Os primeiros en saír serán os máis pequenos, das categorías pitufo e prebenxamín que percorrerán 100 metros. A continuación, será a quenda dos benxamines, que terán que completar 500 metros. Seguidamente, sairán os corredores das categorías alevín e infantil, que deberán facer 1 quilómetro, e tras eles, irán os xuvenís e cadetes que completarán un circuíto de 2 quilómetros. Finalmente, os participantes da carreira absoluta partirán en torno ás 17:45 horas e percorrerán 6,3 quilómetros.
Inscricións e premios
As inscricións permanecerán abertas ata o xoves día 19 ás 23:59 horas. Os interesados poden anotarse xa a través da web www.carreirasgalegas.com. Todos os participantes recibirán un agasallo conmemorativo.
Na categoría de pitufos e prebenxamín haberá medallas para todos os participantes, mentres que nas categorías de alevín a veterano entregaranse trofeos para os tres primeiros de cada categoría e sexo. A entrega de premios será na Praza do Concello de Xermade e comezará, aproximadamente, ás 18:30 horas.
Ademais, haberá aparcadoiro gratuíto, cuartos de baño na zona de saída e chegada, vestiarios e duchas no pavillón municipal, así como avituallamento ao final de cada carreira para todos os participantes.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Estiveron organizadas por Acisa e financiadas pola Área de Medio Rural e Mar da Deputación de Lugo. 25 locais hostaleiros ofreceron tapas e racións en diversas preparacións. Acisa repartiu entre os establecementos 1.100 quilos de mexillóns para esta cita gastronómica. Ata Ribadeo se achegou o deputado Dani García, que estivo xunto á presidenta e o xerente de Acisa, Carmen Cruzado e Jesús Pérez, e os concelleiros ribadenses Martín Graña e Vicente Castro.
