Burela, 27 de outubro de 2017. O concelleiro de Deportes, Ramiro Fernández Rey, comunicou que o vindeiro domingo, 29 de outubro, realizaranse cortes de tráfico nalgunhas rúas da localidade con motivo da celebración da carreira 15K A Mariña-Mediolanum, que discorrerá entre Foz e Burela.
O edil burelés comentou que “a carreira vai entrar en Burela pola rúa do Mariñeiro e vai acceder a Eijo Garay ata chegar á praza do Concello. Vai haber unha serie de cortes de tráfico que entendemos que van durar sobre unha e media ou dúas horas”.
Ramiro Fernández quixo “pedir á xente dilixencia e un pouquiño de comprensión durante o tempo que estean cortadas as rúas, que teñan respecto polos sinais que vai haber e respecto pola xente que estará controlando a carreira”.
O concelleiro de Deportes dixo que “o calculo é que chegue sobre as doce da mañá a Burela o primeiro clasificado, e supoño que os que vaian chegando máis atrás tardarán sobre unha hora máis en chegar”.
Fernández Rey insiste en que “vai haber rúas cortadas e a zona de influencia sobre todo vai ser a rúa Suafonte e en Eijo Garay vai haber que cortala na ponte da vía e vanse desviar os vehículos para outras rúas”.
Este domingo realizaranse cortes de tráfico nalgunhas rúas de Burela con motivo da celebración da Carreira 15k A Mariña-Mediolanum
Relacionado
-
O grupo provincial do BNG esixe á Xunta as axudas comprometidas para as produtoras de faba, que teñen que afrontar xa os gastos de nova campaña
-
O PSdeG de Viveiro acusa ao PP “de usar unha sanción como escusa e lembra a débeda millonaria que deixou en 2003”
-
A Xunta reúnese co Concello de Mondoñedo para ampliar e mellorar o servizo de atención temperá
Con motivo desta celebración, acercouse ao seu domicilio a alcaldesa, Efigenia Maseda, como representante do Concello, para agasallalo cunha cesta de produtos variados. A alcaldesa afirma que “cumprir 103 anos é algo excepcional e merece todo o recoñecemento do Concello”.
Unha nova edición que está organizada pola Asociación Clásicos Mindonienses Mira e Anda e que conta coa colaboración do Concello de Mondoñedo, o Concello de Abadín e os locais de hostalería Finca San Antonio, Perlora e A Taberna da Galiana de Mondoñedo.
Os feitos delituosos tiveron lugar a pasada fin de semana, cando o presunto autor tentou acceder ao interior das instalacións da piscina municipal, ocasionando danos á porta de acceso por un valor de 600 euros. No marco da investigación procedeuse á súa detención ao constarlle unha requisitoria en vigor dimanante do Xulgado do Penal nº 1 de Lugo de detención, comparecencia e ingreso en prisión. A persoa detida foi trasladada para o seu ingreso no centro penal de Bonxe.
Con esta iniciativa, aberta para todas as persoas nadas en 2018 ou en anos anteriores, búscase incentivar á práctica deportiva á vez que poñer en valor uno dos enclaves naturais do municipio. A actividade desenvolverase en horario de mañá de 10:00 a 14:00 horas, e conta cun número limitado de prazas. Por iso, será necesario realizar unha inscrición gratuíta a través dun formulario dispoñible nas redes sociais do Concello. O prazo de inscrición estará aberto ata o luns 2 de xuño ás 14:00 horas. As prazas iranse adxudicando por orde de inscrición.
Na presentación, este luns, participou Leandro Quelle e Rubén Rubiños como membros da Asociación Equina A Medela, organizadora da feira, acompañados polo alcalde, Demetrio Salgueiro, e a concelleira de agricultura, Dolores Meitín. Dende o Concello de Xove convidan a toda a veciñanza e tamén a todos aos afeccionados/as ao mundo do gando a que se acheguen disfrutar dunha xornada familiar dende as 9.30, con importantes premios e sorteo dun poldro.
Os feitos iniciáronse o pasado martes, cando unha patrulla identificpi a unha veciña de Cervo, de 32 anos de idade, a cal, ao observar a presenza dos axentes apeouse do vehículo que conducía, permitindo que o seu acompañante continuase o traxecto. A maneira de actuar de ambos levanto as sospeitas dos axentes, polo que se procedeu a identificar aos dous ocupantes do turismo, comprobando que a persoa que inicialmente o conducía nunca obtivera permiso de conducir algún. Transcorridas menos de 24 horas e, paradoxalmente no mesmo lugar, observouse a un veciño de Mondoñedo de 51 anos de idade, o cal conducía un vehículo malia constarlle unha perda de vixencia do permiso de conducir por esgotamento de puntos. As dilixencias policiais foron remitidas ao Xulgado de Instrución de Garda de Mondoñedo.
É a 15ª edición que, nesta ocasión, se celebrará as fins de semanas do 16-17 de maio (na zona de Abrela, Folgueiro e San Román) e do 23 e 24 de maio (na zona de O Vicedo). Unha oportunidade de probar as especialidades dos restaurantes e cafeterías locais e de participar nun sorteo de 2 pranchas de asar. Os establecementos participantes entran no concurso ao mellor pincho que será votado exclusivamente polos clientes que acudan mediante voto directo en urna con cada pincho que terá un prezo de de 4€.
