O salario medio dos xoves galegos, ata 30 anos, está nos 500 euros de media, ata os corenta en 700. Iso non é salario é escravitude. É a entrega total a un novo sistema produtivo e laboral ideado entre o PP e o PSOE.
Compre analizar de onde sae esta situación, que se iniciou coa reforma laboral de ZP e o cambio do 135 da Constitución, que milagrosamente é posible cambiar. As dúas reformas laborais responden a un deseño digno da FAES. E as decisións que foron tomando sinalan o camiño do cambio do sector produtivo e laboral no sur de Europa. Os socialistas puxeron a primeira pedra do camiño, atacando ós funcionarios, os controladores e aqueles sectores que podían ser a vangarda do avance laboral, logo veu o PP e cargouse a negociación colectiva poñendo ós traballadores un a un diante do empregador. Pero a chave do tema é saber o porque. Na miña humilde opinión isto está moi relacionado coa gobernanza global. A man de obra asiática, xa non é tal porque no seu mercado interno xa consumen máis do que producen, a situación do sur de America e moi inestable para as corporacións. África vive unha guerra perpetua, xa que logo a resposta é fácil, que quedaba? Pois o sur de Europa. Que tiñan que facer para ser competitivos? pois o que fixeron, borrar os dereitos dun plumazo.
A cuadratura do circulo está servida, os datos macro, funcionan e o paro baixa, pero a que prezo? O da moderna escravitude, traballar por 500 euros significa que para vivir con dignidade tes que ter cando menos dous ou tres traballos. Iso e a perda total do marco das relacións laborais garantía unha paz social fácil de vender.
É hora de saber que é o que queremos, ou mellor o que queremos que os nosos fillos herden. Unha sociedade equilibrada onde un árbitro chamado administración garante que non se abusa da xente, ou un Estado produtivo onde cada quen se busca a vida. Eu quero o primeiro, pero para iso non precisamos a tutela e conivencia dos Partidos coa Troika e o Banco Mundial, para iso precisamos Europa, moita Europa con igualdade, sen fronteiras e que aposte firmemente polo piar social. Xa non por nos senón que polos que veñen.
Porque PP, Psoe a algún outro vende a dignidade da xente? Pensemos.
Piñeiro Docampo
Sº Xeral de CxG.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
