Santiago de Compostela, 23 de novembro de 17. A portavoz de Pesca do Grupo Socialista, Loli Toja, esixiulle hoxe ao goberno galego que “constate a activación do Plan Camgal de protección das rías fronte ás cinzas provocadas polos incendios”. No debate dunha pregunta oral en Comisión, lembrou a obriga de transparencia do goberno galego en base á normativa estatal –Lei 27/2006- e europea Regulamento 1380/2013.
Toja sinalou que as autoridades están “obrigadas á difusión e información medioambiental da maneira máis activa e sistemática posible, e as autoridades autonómicas están obrigadas a promover a maior accesibilidade aos datos”. A pesares disto, dixo, as conclusións do Consello da Xunta de 16 de outubro, despois da vaga de lumes, non é público, e o documento de activación do Camgal “non aparece por ningunha parte”.
A responsable socialista cualificou de “auténtica chafallada” as explicacións do goberno galego, que hoxe sinalou que o Plan Camgal activábase “cunha chamada ao 112”. Advertiu que os concellos afectados descoñecen a día de hoxe que medidas se puxeron en marcha e “nin sequera saben a quen teñen que chamar no momento en que detecten a chegada das cinzas ás súas costas”.
Lei de Portos
A Comisión de hoxe debateu tamén o proxecto de Lei de Portos de Galicia, que será tratado a continuación no Pleno do Parlamento, e que incorpora 19 das 117 emendas presentadas polos socialistas galegos, incluíndo a obriga de Portos a facer un informe sobre os contratos que teña asinado.
Toja saudou a aprobación desta proposta que “dota de máis transparencia” a estas entidades, pero que “non resolve os problemas que provoca unha lei concibida para ofrecer barra libre ás concesións públicas nas entidades portuarias.
Mesmo sinalou que con esta norma “pretenden crear reinos independentes dentro dos concellos”, ao permitir a reasignación de usos dos terreos portuarios, obrigando aos gobernos locais a incorporalo aos seus plans urbanísticos.
A organización, a cargo da Asociación R.C.M. Amigos de Monte Castelo, abrirá a venda de parcelas os días 21 e 22, en horario de 18:30 a 20:30, primeiro para confirmar as reservas do ano anterior e despois para repartir as libres. O venres terá lugar a misa na igrexa de Vila do Medio ás 20:00 e, xa pola noite, a actuación do grupo Pekados e o DJ Balbi. O sábado comezará coa sesión vermú a cargo de SP The Sound Project, seguida do concurso de disfraces, xogos infantís, tardeo con DJ Pepu, bingo musical con Marisa Prisa e unha verbena con Pantera Rosa e Gin Toni’s. O domingo celebrarase a misa e procesión en honra á Nosa Señora das Marabillas ás 13:00, e a sesión vermú correrá a cargo do dúo Épok. A romaría conta coa colaboración do Concello de Burela, ABSA e Ledicia, ademais de numerosos establecementos locais.
As familias, o equipo docente, e o alumnado da Escola Infantil Municipal desfrutaron esta semana dunha xornada de convivencia e aprendizaxe neste parque. Ao longo do día, ademais de visitar a reserva e coñecer de preto numerosas especies animais, compartiron un agradable picnic nas instalacións do parque e tiveron acceso tanto á zona exclusiva da reserva como ao resto do recinto. A xornada rematou cunha actividade moi especial: un pequeno teatro participativo sobre a prevención dos incendios forestais, no que os nenos e nenas aprenderon a importancia de coidar os nosos montes e de evitar condutas que poidan provocar lumes, como abandonar obxectos de vidro na natureza. Un día cheo de experiencias, convivencia e aprendizaxes que reforzan o compromiso coa educación ambiental desde as primeiras idades.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
Villares gabou o traballo realizado e subliñou que “a implicación do tecido social e dos veciños e veciñas é clave para transmitir as tradicións que forman parte da nosa identidade e reforzar os vínculos da comunidade”. Na xornada principal deste xoves destacou a ofrenda floral na honra dos mariñeiros falecidos. O venres e o sábado celebraranse o Festival Folklórico Internacional e o Festival Folklórico Infantil respectivamente, organizados polo Grupo Mistura.
O Concello de Ribadeo atende así a petición realizada pola Asociación Provincial de Empresarios de Hostelería e Turismo de Lugo, que solicitou permisividade neste sentido aos 67 Concellos da provincia de Lugo. Ademais o Concello autorizou a instalación dunha pantalla na praza de Porcillán. A petición foi realizada pola Asociación Cultural Festas do Carme.
Nesta ocasión contará, ademais de cos anfitrións A Subela, como grupo convidado ao Grupo Folclórico e Etnográfico do Cimeiro, procedente de Soure, en Portugal, que participa dentro dun intercambio cultural. A organización destaca que será unha edición especialmente significativa e anima ao público a non perdela. Terá lugar o 18 de xullo, ás 21:00 horas, na Praza Conde de Fontao, de Foz.
