A Mariña, 30 de novembro de 2017. O Grupo Parlamentar do BNG rexistrou no Parlamento de Galiza diversas preguntas dirixidas ao goberno da Xunta para que explique a situación na que se atopan os traballadores de Arriva que non foron subrogados pola UTE concesionaria da liña de transporte na Mariña e aporte unha solución á mesma.
Con estas iniciativas, a formación nacionalista pretende pór o foco de atención nas nove persoas que desde o oito de agosto se atopan sen traballo, a raíz da adxudicación das liñas de transporte na comarca a unha nova empresa, a consecuencia do novo plan de transporte da Xunta.
A deputada nacionalista, Olalla Rodil, explicou que “pretendemos que se lles dean solucións a estas persoas que levan xa case catro meses sen poder traballar, con incumprimentos e falsas promesas por parte dunha Xunta de Galiza que propiciou o problema, pero que agocha a cabeza para solucionalo.”
A formación nacionalista denuncia que “outra vez o Partido Popular desde a Xunta de Galiza tira a pedra e esconde a man. O seu xeito de xestionar un novo plan de transporte en Galiza conleva que o resultado sexa unha auténtica trapallada que non só non ten beneficios para a comarca, senón que está prexudicando directamente a nove persoas que actualmente seguen sen traballo.”
“Sabemos que para o Partido Popular nove persoas non importan, porque o seu obxectivo seguramente xa estea cumprido, pero desde o BNG queremos poñer todo da nosa parte para que estas nove familias volvan á situación que tiñan antes de que á Xunta de Galiza se lle ocorrera experimentar co transporte público e poñer en risco o emprego”, manifestou a responsable comarcal Ana Ermida.
Desde o BNG manifestan o seu total apoio ás actuacións reivindicativas que os traballadores están levando a cabo e trasládanlles o “máis enérxico apoio” para que continúen coas concentracións na delegación da Xunta en Lugo.
“O señor Balseiro, ao que tanto lle gusta aparecer en fotos e prensa a diario, debería ter un mínimo de dignidade e reunirse coas persoas afectadas. Pero non para cubrir expediente e sacar a foto, senón para garantir unha solución á situación na que levan case catro meses”, conclúen.
Trátase dunha iniciativa que favorece a colaboración entre o tecido asociativo e o voluntariado para mellorar e conservar as contornas naturais do municipio. Os traballos centráronse na limpeza deste espazo costeiro, contribuíndo ao seu coidado e á conservación do medio natural. A alcaldesa de Cervo, Dolores García Caramés, achegouse ata a praia para acompañar as persoas participantes nesta iniciativa agredecendo a implicación de Mistura de Lieiro e das persoas voluntarias que participaron nesta xornada, contribuíndo, coa súa colaboración, a manter limpos e coidados os espazos naturais de Cervo.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O percorrido comeza nun lugar simbólico: as pontes sobre o río Sor, que unen as provincias da Coruña e Lugo e marcan un dos vértices do territorio lucense. Con esta iniciativa, Guido Guía propón unha travesía pola diversidade paisaxística, histórica e humana da provincia, destacando a riqueza dos seus espazos naturais, monumentos e comunidades.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
