LUGO, 19 de decembro de 2017.- O Grupo Provincial do Partido Popular esixe de novo ao Goberno socialista da Deputación a través dunha moción que execute “todos e cada un” dos acordos aprobados polo Pleno da Corporación, e que “a día de hoxe non se cumpriron pese a ser acordado polo máximo órgano da institución lucense”.
Os populares explican que as mocións que os Grupos Provinciais con representación na institución elevan ao Pleno son “o instrumento político fundamental co que contamos para formular propostas e peticións e sometelas á consideración e aprobación do Pleno e para facer efectiva as funcións de control e orientación política da oposición, cuxo exercicio garante a calidade democrática provincial. A este respecto, dende o Grupo Popular engaden que “cando as ditas iniciativas resultan aprobadas, os acordos adoptados son actos administrativos cuxo cumprimento debe garantir o presidente da entidade provincial segundo a normativa vixente”.
O Grupo Provincial do PP denunciou en varias ocasións que na práctica “parte das mocións presentadas e aprobadas polo Pleno da Corporación Provincial non son executadas polo equipo de Goberno, ou ben a súa execución demórase máis do acordado ou previsto, sen que así cumpran a función que lles é propia”.
Acordos plenarios incumpridos
Así, citan, entre outros exemplos, acordos plenarios incumpridos como son a modificación do regulamento orgánico da Deputación; unha iniciativa formulada polo Grupo Provincial do PP en novembro de 2015; a xestión por parte da institución das rutas fluviais na Ribeira Sacra, presentada polos populares en marzo de 2016, xunto á creación dun ente provincial de turismo; a adopción dunha solución que permita a apertura das piscinas climatizadas de A Pastoriza e Monterroso e mesmo ao establecemento dunha liña de axudas en réxime de concorrencia competitiva destinadas ás escolas de música da provincia de Lugo dependentes dos Concellos ou de colectivos sen ánimo de lucro.
Os populares, “ante a gravidade dos feitos que se estaban a dar”, segundo lembran, tamén presentara unha para a creación dunha comisión de seguemento e control dos acordos aprobados polo Pleno, aprobada por unanimidade na sesión plenaria extraordinaria do 29 de novembro de 2016 pero “trece meses despois aínda non se ten creado dita comisión e, polo tanto, non se convocou nin unha soa vez”. Neste senso, tamén na sesión ordinaria de setembro de 2017 levaron ao Pleno un rogo para que se cumpriran todos e cada un dos acordos adoptados pola Corporación, pero que aínda non foron executados.
“Un acto de irresponsabilidade”
Dende o Grupo Popular aseguran que “o incumprimento dos acordos plenarios supón un acto de irresponsabilidade e falta de respecto cara aos lucenses, a maior parte dos cales están representados polos Grupos Provinciais da oposición”.
Ante esta situación, o Grupo Provincial Popular considera “imprescindible” que o Goberno provincial se poña a traballar, sexa responsable e cumpra coa normativa vixente e, polo tanto, “execute todos e cada un dos acordos aprobados polo Pleno da Corporación provincial” e así o pedirá a través da moción que se debaterá na sesión deste xoves.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
