Lugo, 29 de decembro de 2017. O subdelegado do Goberno en Lugo, Ramón Carballo, presentou esta mañá na Comandancia da Garda Civil as 20 novas motocicletas do Subsector de Tráfico, que se recibiron esta mesma mañá e que se van distribuír nos destacamentos de Lugo, Monforte e Burela para renovar a súa flota.
Trátase de motocicletas modelo BMW R 1200 RT, con maior cilindrada e potencia que as anteriores, e equipadas con tecnoloxía de última xeración en cuestións de seguridade e operatividade.
Estes vehículos forman parte do total de 300 que a Dirección Xeral de Tráfico adquiriu para toda España -80 delas para Galicia- e que supuxeron un investimento de máis de cinco millóns de euros. Todas elas están xa dispostas para o seu uso, coincidindo coa campaña especial de Nadal, que se prolongará ata o vindeiro 7 de xaneiro.
REFORZO DA SEGURIDADE
Entre as novidades que incorporan as novas motocicletas salienta a decoración en cor amarela flúor, que se suma aos clásicos blanco e verde das motos de Tráfico, adaptándose deste xeito á nova normativa europea que recomenda o uso desa cor nos vehículos policiais. Contan ademais con luces led especiais que lles outorgan maior visibilidade. Deste xeito proporciónase maior seguridade tanto ao propio motorista como ao resto de usuarios das vías.
Estes vehículos contan ademais con departamentos específicos para o traslado de medios portátiles para a realización de controis de alcohol e drogas, ou de velocidade. Do mesmo xeito, os novos modelos permiten gardar o casco dentro da maleta e inclúen lanterna con cargador.
O subdelegado do Goberno explicou que coa incorporación destas motocicletas se persegue “un único obxectivo, que é mellorar a seguridade nas estradas”. Neste sentido, recoñeceu o “excelente traballo que realizan día a día” os axentes do Subsector de Tráfico ao tempo que fixo un chamamento á responsabilidade ao volante, nunhas datas ademais nas que se celebran numerosos eventos e coas inclemencias meteorolóxicas propias do inverno. “Debemos ser prudentes e responsables ao volante, respetando as normas de circulación e, por suposto, non conducir nunca se se consumiron substancias que mermen o nivel de atención e reflexos”.
Xunto a Ramón Carballo, na presentación das motocicletas estiveron o tenente-coronel da Comandancia da Garda Civil en Lugo, Carlos Freire; a subxefa provincial de Tráfico, Seila María González; e o capitán xefe do Subsector de Tráfico, José Miguel Martínez, entre outros.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
