Santiago de Compostela, 5 de xaneiro de 2018.- A directora de Turismo de Galicia, Nava Castro, mantivo unha xuntanza de traballo cos concellos de Mondoñedo e Castro Caldelas, que acaban de incorporarse á lista das vilas máis bonitas de España, integrada unicamente por algo máis de medio centenar de municipios e que conta só con dous membros galegos.
A responsable do departamento de Turismo da Xunta de Galicia transmitiu a súa felicitación ás alcaldesas de Mondoñedo, Elena Candia, e de Castro Caldelas, Sara Inés Veiga, nunha reunión na que quixo coñecer as previsións destes concellos da Mariña e da Ribeira Sacra despois de acadar esta distinción, para á que é necesario cumprir unha serie de requisitos. Nava Castro amosoulles o seu apoio no seu compromiso de manter e mellorar a beleza dos seus centros históricos e patrimonio cultural, das súas tradicións e da súa contorna natural.
No encontro, celebrado na sede de Turismo de Galicia, tamén participou Francisco Mestre, presidente da Asociación de Los Pueblos más bonitos de España, á que se uniron os ditos concellos das provincias de Lugo e Ourense. Nava Castro expresou a súa confianza de que ambos sirvan de estímulo a outras localidades da Comunidade na súa constante mellora.
Novas liñas de axudas
Como lembrou, Turismo de Galicia conta con numerosas liñas de axudas e subvencións dirixidas ás entidades locais e xeodestinos para actuacións neste eido, desde sinalización e accesibilidade a mellora da súas infraestruturas e recursos ou galardóns, dotados con contía económica, ou os Premios Parabéns e os Premios Camiño de Santiago, que recoñecen o labor de embelecemento, limpeza e mantemento, o que beneficia a veciños e visitantes. De feito, o próximo luns Nava Castro informará das novas convocatorias para este ano.
Nese sentido, cómpre salientar que a Estratexia do turismo de Galicia 2020 busca aproveitar o valor histórico, artístico e cultural dos centros históricos cun correcto enfoque turístico que harmonice diferentes actividades. Así, recolle o artellamento de produtos que poñan o énfase no patrimonio material e inmaterial de cidades e vilas, o que favorece o aumento da estadía media e xera sinerxías con outros sectores das economías do ámbito rural.
A Estratexia 2020 sinala que o turismo cultural é percibido como un dos que máis potencial de crecemento terá nos vindeiros anos, tan só superado pola paisaxe e pola gastronomía. O visitante, especialmente o estranxeiro, está a demandar un patrimonio ben conservado.
O acto terá lugar o vindeiro luns 18 de maio, coincidindo coa celebración do Día Internacional dos Museos, unha data sinalada para poñer en valor o patrimonio cultural e mariñeiro do concello. Tras un período de traballos de mellora e adecuación, o museo —un referente na comarca— reabre para ofrecer ás persoas visitantes unha viaxe inmersiva a través da herdanza mariñeira, da industria conserveira e da estreita relación das súas xentes co Cantábrico.
Unha obra para todos os públicos. Hora: 20.00. Entrada libre ata completar aforo, non é necesario facer reserva de entradas.
O encontro, aberto ao público, terá lugar na Casa Museo Álvaro Cunqueiro e será moderado por membros da propia asociación. A sesión busca reflexionar colectivamente sobre a posibilidade de que Mondoñedo aspire a ser recoñecida como Patrimonio da Humanidade, abordando a cuestión desde perspectivas históricas, patrimoniais, artísticas, naturais e humanísticas. A actividade comezará ás 11:00 h e a organización anima a toda a veciñanza a participar e compartir opinións.
O Comité de Empresa de Alúmina‑Aluminio San Cibrao informa de que a Secretaría de Industria convocou ao comité á 19ª reunión de seguimento do acordo de viabilidade, que se celebrará o venres 15 de maio ás 12:30 horas na Delegación do Goberno en A Coruña. Unha vez rematada a reunión, o comité procederá a informar aos traballadores sobre os resultados e avances do encontro.
A participación estará aberta do 14 ao 18 de maio, e a persoa gañadora poderá escoller entre cinco modelos diferentes. A propietaria, Susana Moreira, fai un balance moi positivo desta década, na que o negocio evolucionou ata centrarse en mercería, venda de la e artigos artesanais elaborados por ela mesma. Ademais, ofrece arranxos de roupa e organiza cursos e talleres de ganchillo, calceta e bordado, como o previsto para o 23 de maio. A maior parte da clientela e das persoas que participan nas actividades son mulleres, aínda que tamén acoden nenos e mozos interesados en técnicas como os amigurumis.
Será este xoves, día 14 de maio, ás 19:00 horas no salón de actos do Concello. O mago Pedro Bugarín presentará o seu espectáculo titulado Galicia con maxia. Para esta actividade o Concello de Lourenzá conta coa colaboración da Deputación de Lugo.
Nesta ocasión participará Susana Vázquez Fernández, coach de saúde emocional e facilitadora en procesos de duelo e perda, que impartirá o faladoiro “Xestión do ánimo”, centrado en técnicas de relaxación, pensamento positivo e coidado da saúde mental para mellorar o benestar emocional. A actividade está aberta á veciñanza e busca crear un espazo para compartir, aprender e coidarse en comunidade. Conta co apoio e colaboración da Asociación de Xubilados Terramar.
