Lugo, 30 de xaneiro de 2018.- A Consellería do Medio Rural apoia a 356 titulares de explotacións agrarias e gandeiras lucenses con axudas para garantir o subministro de auga, naquelas zonas que resultaron afectadas por unha declaración de seca, como é o caso da demarcación da bacía hidrográfica do Miño-Sil.
O delegado territorial da Xunta, José Manuel Balseiro, sinalou que a provincia de Lugo é a gran beneficiaria destas subvencións ao recibir case o 61% do total do investimento previsto, en concreto, axudas por valor de máis de 562.000 euros.
Co apoio do Goberno galego os profesionais do agro reciben axudas para creación ou mellora das conducións de abastecemento de auga, tales como balsas de almacenamento, bebedoiros, conducións para o seu abastecemento, sempre que non supoña unha nova captación de auga. Tamén os equipamentos para a mellora do abastecemento de auga ás explotacións gandeiras, como cisternas móbiles ou bebedoiros móbiles. E, en xeral, servizos de abastecemento de auga ás explotacións agrarias, como pozos de barrena.
Balseiro lembrou que esta orde de axudas que publicou en novembro a Consellería do Medio Rural, dotada con preto dun millón de euros, busca axudar a aquelas explotacións que buscan adaptar as súas instalacións para poder afrontar fenómenos meteorolóxicos como a seca, con medios propios, e sen ter que depender dun subministro externo ou, no peor dos casos, quedarse sen auga, un recursos esencial para as tarefas diarias que se desenvolven nunha explotación agraria ou gandeira.
Na provincia de Lugo o maior número de solicitantes e beneficiarios concéntranse nos concellos da Montaña lucense, en particular, nos de Baralla e Fonsagrada (con 27 beneficiarios cada un), Cervantes (20 beneficiarios), Becerreá (15 beneficiarios). Destacan tamén as axudas concedidas a titulares de explotacións agrarias emprazadas en Sarria (con 22 beneficiarios)
Estas iniciativas, que forman parte do paquete de axudas extraordinario para apoiar aos agricultores e gandeiros afectados pola seca, súmanse tamén a outros apoios para facilitar o financiamento e a liquidez das explotacións agrogandeiras, postos en marcha desde o Instituto Galego de Promoción Económica (Igape) e que inclúen desde préstamos a a xuro cero, ao refinanciamento de pasivos e apoio de circulante
Trátase dunha iniciativa que favorece a colaboración entre o tecido asociativo e o voluntariado para mellorar e conservar as contornas naturais do municipio. Os traballos centráronse na limpeza deste espazo costeiro, contribuíndo ao seu coidado e á conservación do medio natural. A alcaldesa de Cervo, Dolores García Caramés, achegouse ata a praia para acompañar as persoas participantes nesta iniciativa agredecendo a implicación de Mistura de Lieiro e das persoas voluntarias que participaron nesta xornada, contribuíndo, coa súa colaboración, a manter limpos e coidados os espazos naturais de Cervo.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O percorrido comeza nun lugar simbólico: as pontes sobre o río Sor, que unen as provincias da Coruña e Lugo e marcan un dos vértices do territorio lucense. Con esta iniciativa, Guido Guía propón unha travesía pola diversidade paisaxística, histórica e humana da provincia, destacando a riqueza dos seus espazos naturais, monumentos e comunidades.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
