Ribadeo, 31 de xaneiro de 2018. O Cine Teatro de Ribadeo acollerá mañá, 1 de febreiro, un concerto solidario a partires das 20:00 horas. Sons, voces e danzas de Uganda, que interpretará o coro Uganda Natumayini nesta cita solidaria organizada pola ONG Música para Salvar Vidas.
O concelleiro de Cultura, Farruco Graña, dixo que “a organización Música para Salvar Vidas vai visitar de novo Ribadeo, e vaino facer a través do coro Uganda Natumayini. Este coro xa ten percorrido a xeografía española entre o 2005 e o 2016, e agora de novo volve visitarnos a nós tamén. É unha agrupación musical e coral que fai unhas danzas espectaculares e que interpreta uns cantos ben emocionantes”.
O edil nacionalista contou que “ten visitado xa Zamora, Burgos, Valladolid, El Espinar, Ávila… Tense achegado tamén a Murcia, a Cartagena, El Algar e a Caravaca de la Cruz. En Cataluña ten actuado no Palau de la Música, e tamén en Euskadi visitou o Teatro Arriaga de Bilbao e o Teatro Victoria Eugenia de San Sebastián, e moitísimas cidades máis e moitos teatro máis todos eles de moita zona”.
O responsable de Cultura en Ribadeo explicou que “Uganda Natumayini canta e baila danzas, como non pode ser menos, de Uganda e de Ruanda. Interpretan góspel africano e americano, fan bailes tribais e de guerreiros, fan danzas ben bonitas e cantos relacionados coa natureza, cos seus costumes e as súas tradicións. Pero ao mesmo tempo tamén fan danza creativa moderna sobre melodías ben coñecidas que de seguro hanos gustar ben a todas as persoas que acudamos a este concerto benéfico”.
Farruco Graña salientou que “é un espectáculo profesional, pero tamén con moita cor, e sobre todo, o máis importante, cheo de espírito solidario. Podemos achegarnos este xoves, 1 de febreiro, ao Teatro de Ribadeo, ás oito da tarde. O prezo da entrada é 10 euros, e en todo caso si se fai unha compra anticipada a través de ticketea serían 7 euros”.
Para o concelleiro de Cultura “é un esforzo considerable, pero é un esforzo moi meritorio, e que paga a pena que nos acheguemos ata o Teatro para sermos solidarios con esta asociación Música para Salvar Vidas que leva moitísimo tempo desenvolvendo un labor social moi importantísima. Ademais sábeno facer buscando actividade, buscando poñer en valor o seu patrimonio cultural para, dándoo a coñecer a todo o mundo, obter ao mesmo tempo recursos que financien proxectos que desenvolven na súa terra, e que axudan a moitos nenos e nenas como os que agora están no coro Uganda Natumayini a saír adiante e converterse en persoas dignas e de pleno dereito”.
O edil insistiu en que “acudamos todos e todas este xoves, 1 de febreiro, ao Teatro de Ribadeo, ás oito da tarde para escoitar Uganda Natumayini. Non nos arrepentiremos”.
Uganda Natumayini ofrecerá un concerto solidario este xoves, 1 de febreiro, no Cine Teatro de Ribadeo, organizado pola ONG Música para salvar vidas
Relacionado
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
