Lugo, 2 de febreiro de 2018. O Presidente da Deputación, Darío Campos Conde, xunto ao Deputado de Cooperación cos Concellos, Argelio Fernández Queipo, presentou este venres a III Xornada de Urbanismo da provincia de Lugo, que terá lugar o 6 de febreiro, no Pazo de San Marcos, está dirixida a técnicos e secretarios dos Concellos, así como persoal relacionado coa actividade urbanística. Esta terceira edición tratará sobre as licencias municipais e as comunicacións previas e o acceso será libre.
Campos Conde subliñou que “dende o Goberno traballamos continuamente para dar resposta ás demandas en materia de Urbanismo que expoñen os Concellos da provincia para cumprir coa normativa existente. Nesta terceira edición das xornadas, contaremos con dous relatores de gran prestixio dentro da actividade urbanística autonómica, como son Vanessa Gómez, Xefa do servizo xurídico da Dirección xeral de Urbanismo e Ordenación do Territorio, e Ignacio Soto, arquitecto municipal de Teo”.
O Presidente avanzou que “no 2016 puxemos en marcha estas xornadas, que ano tras ano espertan un gran interese, o que dá boa conta da importancia de desenvolver accións formativas neste eido. Neste senso, estamos profundamente comprometidos coa formación dos empregados municipais da provincia e, por iso, seguiremos promovendo nos vindeiros anos accións formativas coas que mellorar as prestacións e a calidade de vida dos nosos veciños”.
Os obxectivos desta xornada son, por un lado, dar a coñecer unha visión xeral do réxime de intervención administrativa, tanto en obras como en actividades en base ás últimas modificacións lexislativas producidas. E, por outro, profundar en cuestións eminentemente prácticas, tanto dende o punto de vista xurídico como técnico, coas que se atopan os técnicos no seu traballo diario en materia de licencias e comunicacións previas.
Programa da xornada
A III Xornada de Urbanismo celebrarase o día 6 de febreiro no Salón de Actos do Pazo de San Marcos en horario de 10:00 a 14:00 horas e de 16:00 a 20:00 horas. Durante a mesma, levarase a cabo un estudo das distintas formas de intervención administrativa no mundo do urbanismo; afondarase no réxime de licenzas en todas as súas distintas clases, o procedemento do seu outorgamento e as súas posibles causas de extinción; e finalmente, abordarase o tema das comunicacións previas e a súa declaración de ineficacia. Para inscribirse, como data máxima ata o 5 de febreiro, pode facerse no Rexistro Xeral da Deputación, ou ben no seguinte correo; formacion@deputacionlugo.org.
Trátase dunha iniciativa que favorece a colaboración entre o tecido asociativo e o voluntariado para mellorar e conservar as contornas naturais do municipio. Os traballos centráronse na limpeza deste espazo costeiro, contribuíndo ao seu coidado e á conservación do medio natural. A alcaldesa de Cervo, Dolores García Caramés, achegouse ata a praia para acompañar as persoas participantes nesta iniciativa agredecendo a implicación de Mistura de Lieiro e das persoas voluntarias que participaron nesta xornada, contribuíndo, coa súa colaboración, a manter limpos e coidados os espazos naturais de Cervo.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O percorrido comeza nun lugar simbólico: as pontes sobre o río Sor, que unen as provincias da Coruña e Lugo e marcan un dos vértices do territorio lucense. Con esta iniciativa, Guido Guía propón unha travesía pola diversidade paisaxística, histórica e humana da provincia, destacando a riqueza dos seus espazos naturais, monumentos e comunidades.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
