Cervo, 5 de febreiro de 2018.- O Concello de Cervo está a impartir un curso sobre actividades auxiliares en viveiros, xardíns e centros de xadinería.
Trátase dunha acción formativa dirixida prioritarimente a persoas desempregadas (AFD) que promove a Consellería de Economía, Emprego e Industria para a que destina, neste caso, 24.843 euros.
O alcalde de Cervo, Alfonso Villares, e a edil de Medio Ambiente, Manuela Méndez, estiveron esta mañá compartindo unha sesión práctica cos 12 alumnos que participan no curso de 348 horas de duración.
É o segundo ano consecutivo que Cervo aposta por esta especialidade, e ao remate da formación os alumnos recibirán o certificado de profesionalidade.
As xornadas prácticas estanse a desenvolver en diferentes zonas verdes do Concello, adaptadas e acondicionadas para a actividade.
No día de hoxe o alumnado estivo traballando na instalación da drenaxe e do rego para o futuro invernadoiro e as parcelas de cultivo que van acondicionar e que “serán tamén un importante reforzo para a formación práctica de cara ás vindeiras xeracións que desexen formarse nesta materia”; sinalou Villares.
Tal e como apuntou Méndez o obxectivo deste curso, que comezou o 13 de novembro e que está previsto que remate o 22 de febreiro, é “que os alumnos executen operacións auxiliares para a implantación e mantemento de xardíns, parques e zonas verdes, así como para a produción e mantemento de plantas en viveiros e centros de xardinería, respectando as medidas de prevención de riscos laborais e o medio ambiente”.
O Concello de Cervo conta cunha aula teórica e tamén cun espazo para desenvolver a parte práctica perfectamente homologadas para a impartición deste curso.
O currículo formativo está formado por tres módulos diferentes; un no que se aborda a temática dos viveiros e centros de xardinería, outro que versa sobre a instalación de xardíns, e un terceiro que afonda no seu mantemento. De tal xeito que no curso o alumnado recibe formación relativa á preparación do medio de cultivo, á comercialización de plantas e o seu manexo, á normativa básica en materia de produción e mantemento de plantas en viveiros e centros de xardinería, aos traballos de replanteo, á contrución e instalación de infraestruturas, ao equipamento e mobiliario de zonas axardinadas, á utilización de plantas ornamentais en xardinería, á implantación de céspedes, ao control fitosanitario ou ao establecemento dos elementos vexetais nun xardín.
Villares sinalou que este curso vemos que pode ser un nicho importante de mercado e de traballo para os veciños, porque un dos obxectivos que temos que ter no horizonte en Galicia, e en Concellos como o noso é o de traballar para tentar aproveitar todo ese potencial que atesoramos no noso rural; para lograr que esas zonas verdes volvan ser produtivas “para que Galicia teña máis riqueza, para que Cervo teña máis riqueza; e, como non, para darlle esa saída laboral aos nosos veciños”.
O curso estase a impartir en horario de mañá no Edificio da Antiga Escola Obradoiro, en Cervo.
A clientela aproveita esta cita para facerse con artigos de tempada a prezos moi interesantes. É a segunda vez neste mes de agosto que se celebra o Comercio na Rúa en Ribadeo. Para a organización desta campaña Acisa conta coa colaboración do Concello de Ribadeo, Comercio Galego e Xunta de Galicia.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
Dende as 10 da mañá máis de 170 vehículos ocuparán o aparcamento de Coto ata as 13:30, cando partirán en caravana cara Arealonga. Alí permanecerán ata as 17:00, momento no que iniciarán a ruta pola estrada das praias, regresando ás 18:30 para a entrega de premios e a clausura, prevista para as 20:30. A cita reunirá máis de 300 participantes, con presenza de persoas chegadas de Pamplona, Bilbao e doutros puntos do Estado. O evento, organizado por retroclasicos_barreiros e co apoio do Concello, continúa a atraer amantes dos vehículos clásicos e a dar visibilidade á beleza de Barreiros.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
