Viveiro 11-2-18. O Bng de Viveiro ven de desenvolver, esta fin de semana, unha acción de denuncia da situación do saneamento da ría de Viveiro no peirao de Celeiro, para reclamarlle á Xunta de Galiza a execución das obras comprometidas na precampaña electoral de 2016 de mellora da EDAR de Viveiro e da rede de saneamento de Celeiro.
@s nacionalistas de Viveiro, acompañad@s da súa deputada parlamentar, Olalla Rodil, e o deputado provincial, Antonio Veiga, convocaron á veciñanza a unha concentración na praza do Náufrago de Celeiro, na cal participaron medio cento de veciñas e veciños e diversos colectivos viveirenses.
Durante esta concentración a vicerresponsable local, Miriam Bermúdez, denunciou a situación de contaminación e degradación que sufre a Ría de Viveiro por mor da falta dun Plan de Saneamento Integral da mesma que debería ter posto en marcha hai anos a Xunta de Galicia no canto de facer parcheados ao emisario e as súas instalacións que non evitan que os vertidos de residuos á Ría sexa unha constante desde hai décadas. A Vicerreponsable local recordou as promesas electorais do actual Delegado de goberno do PP, Balseiro Orol, durante as municipais do 2010 que, xunto co actual conselleiro de educación e cultura do Ministerio en Bulgaria, César Aja, anunciaron que Feijoo ía destinar 4,5 millón para a reparación e mellora do emisario submarino . Asimesmo, engadiu que este instrumento electoral do PP, lles serviu tamén para vender, no ano electoral do 2012, un Plan de 7 millóns de euros para renovar o emisario submarino de Viveiro que nunca se puxo en marcha, ata que chegaron ao 2016, na última campaña electoral das autonómicas, onde o PP anunciou, nesta ocasión, a sinatura dun convenio de 3 millóns de euros para a rede de saneamento de Celeiro e a EDAR de Viveiro. Miriam Bermúdez, rematou a súa intervención lamentando que logo de pasados 18 meses dos 30 que, según a Conselleira de Medio ambiente anunciara como prazo total para a execución destas obras, a veciñanza de Viveiro teña que continuar á espera das obras prometidas mirando preocupados para a Ría, como soporta cada día un maior índice de contaminación e sufre un maior nível de degradación ambiental, mentras a Xunta de Galiza segue a mirar cara a outro lado, ignorando a grave repercusión económica e ambiental que está a provocar a Viveiro e a súa veciñanza o aprazamento desta obras.
Neste punto, o deputado provincial, Antonio Veiga, aproveitou para informar á veciñanza alí presente que o Presidente de Portos de Galiza trasladoulle, durante a xuntanza do Consello de Administración deste ente, mantida o día 8 de febreiro, que non era competencia nin responsabilidade súa as obras de substitución do emisario de Celeiro roto á altura do peirao e que para calquera demanda debería dirixirse ao Concello e a Consellería de Medio Ambiente, por ser os asinantes do convenio preelectoral do 2016.
O acto foi pechado pola deputada parlamentar do BNG, Olalla Rodil, que recolleu a demanda da veciñanza e do BNG de Viveiro e anunciou que levaría ao Parlamento Galego esta denuncia para instar aos responsables do PP da Xunta cumprir coas promesas e anuncios electorais para a Ría de Viveiro e esixirlles o comezo das obras de substitución do emisario de Celeiro e de mellora da EDAR de Viveiro.
Ao remate das intervencións, @s nacionalistas despregaron na entrada da ría, a altura do peirao de Celeiro, unha pancarta co lema “A nosa Ría non é un Vertedoiro”, axudados por dúas embarcacións.
A clientela aproveita esta cita para facerse con artigos de tempada a prezos moi interesantes. É a segunda vez neste mes de agosto que se celebra o Comercio na Rúa en Ribadeo. Para a organización desta campaña Acisa conta coa colaboración do Concello de Ribadeo, Comercio Galego e Xunta de Galicia.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
Dende as 10 da mañá máis de 170 vehículos ocuparán o aparcamento de Coto ata as 13:30, cando partirán en caravana cara Arealonga. Alí permanecerán ata as 17:00, momento no que iniciarán a ruta pola estrada das praias, regresando ás 18:30 para a entrega de premios e a clausura, prevista para as 20:30. A cita reunirá máis de 300 participantes, con presenza de persoas chegadas de Pamplona, Bilbao e doutros puntos do Estado. O evento, organizado por retroclasicos_barreiros e co apoio do Concello, continúa a atraer amantes dos vehículos clásicos e a dar visibilidade á beleza de Barreiros.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
