Xove 23-2-18. A policía local de Xove, coa colaboración de CASAGA (Asociación de Cans de Salvamento de Galicia), organiza unha CHARLA SOBRE RASTREO VISUAL DE PERSONAS E VEHÍCULOS. A mesma vaise desenvolver o VENRES, 2 DE MARZO, EN HORARIO DE 16:00 a 20:00 horas, no SALÓN DE ACTOS DO CENTRO CÍVICO DE XOVE.
A charla vaise dividir en dous módulos:
1.- Recoñecemento e rastreo visual de personas.
2.- Recoñemento e identificación de vehículos.
A charla vai dirixida a: policías, gardia civís, militares, axentes do Seprona, guías caninos, bombeiros, efectivos de Protección Civil e de grupos de emerxencias supramunicipais, axentes forestais, gardarríos, brigadistas contraincendios e especialistas na detección de puntos de orixe e acelerantes da combustión, gardas de caza e pesca fluvial, gardapescas marítimos, voluntarios para búsquedas de personas desaparecidas,…
A coordinación desta charla corre a cargo de José A. Ramos Domínguez (Xefe de Seguridade). En canto a ponencia, esta estará a cargo de Andrés Toxeiro, colaborador en formación de CASAGA.
A inscrición farase no correo electrónico en: recursoshumanos@xove.es, As prazas son limitadas.
A clausura da charla correrá a cargo do alcalde José Demetrio Salgueiro.
ÚLTIMA HORA
- Colisión cun atrapado e un ferido no Vicedo
- O Concello de Ribadeo fai unha chamada á paciencia, á prudencia e ao sentido común para a observación da eclipse
- A piscina de Lourenzá convértese este venres nun espazo de diversión para todas as idades
- Alana e Lina e Lola actuarán este venres nas festas de San Roque de Viveiro
- Colisión cun atrapado e un ferido no Vicedo
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada. - Máis de 5.000 persoas asistiron o pasado sábado na Praza de España ao Gran Guateque, organizado polo Xacobeo e polo Concello de Ribadeo
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila". - San Miguel de Reinante, en Barreiros, encheuse de música, cor e tradición este sábado, 8 de agosto, co XLIII Festival Folclórico Internacional do Emigrante, declarado Festa de Interese Turístico
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible. - A conselleira do Medio Rural, María José Gómez, asistiu este sábado á celebración do XXXIV Mercado Medieval de Mondoñedo, que se celebra ao longo desta fin de semana
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos. - A Deputada de Réxime Interior, Promoción do Territorio e Turismo, Pilar García Porto, participou este sábado na Escola da Liga Santaballesa de Vilalba na presentación da programación das XVI Xornadas sobre migración indianas e da XVI Feira do Indiano, que se celebrarán o vindeiro 12 de setembro
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”. - O Restaurante & Catering Los Olivos, xunto á praia de Navia, organizará o 12 de agosto unha espicha especial para seguir o eclipse desde unha localización destacada, segundo o astrónomo Hugo García Fernández
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”. - A exposición sobre Carmen Arias, Mimina, prolóngase até o 12 de agosto en Sargadelos
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
2021 Crónica 3 A Mariña - Implementado por GaliciaDigital