Burela, 23 de febreiro de 2018. O Concello ven de rematar as obras de cambio de iluminación das pistas de tenis nas instalacións deportivas de A Marosa. O investimento foi de case 13.000 euros, e o concelleiro de Deportes, Ramiro Fernández Rey, manifesta que o próximo obxectivo é cambiar o peche desas pistas que se atopa moi deteriorado.
O edil socialista dixo que “procedemos a inspeccionar unha obra que é moi necesaria nas instalacións deportivas municipais de A Marosa, que era o cambio da iluminación das pistas de tenis”.
O responsable de Deportes dixo que “a iluminación que había a verdade é que non cumpría cos obxectivos de iluminación que alí pedía a xente que usaba as pistas. Fíxose un cambio a luminarias led, que a verdade é que deixan as pistas moito mellor iluminadas”.
Fernández Rey salientou que “a inversión que fixemos nese cambio de iluminación ascende a practicamente 13.000 euros, e puidemos comprobar que efectivamente o cambio de aspecto que teñen as pistas é moi importante e así nolo agradeceron tamén os integrantes do club de tenis que estiveron alí con nós revisando a instalación”.
O concelleiro de Deportes asegurou que “o obxectivo deste goberno é seguir mellorando as instalacións municipais. A Concellería de Deportes estase volcando nese aspecto para darlle as máximas facilidades a todos os veciños e veciñas de Burela para que poidan practicar deporte da mellor calidade posible”.
Ramiro Fernández anunciou que “o próximo obxectivo para rematar o que temos que facer nas pistas de tenis é o peche, que está bastante deteriorado debido a que as instalacións de A Marosa sofren as inclemencias do tempo. Queremos cambiar ese peche e esperemos que neste ano poidamos telo rematado”.
O edil burelés indicou que “para nós é un auténtico pracer cumprir cos obxectivos que nos marcamos, e que as asociacións e os clubs deportivos estean contentos coa labor que se está facendo desde o equipo de goberno”.
Ramiro Fernández explicou que “na revisión da obra estivemos o alcalde e máis eu, e membros da directiva, e quedamos moi satisfeitos con como quedou esa obra, e esperemos que sexa para moito tempo”.
Ramiro Fernández e o alcalde de Burela, Alfredo Llano, supervisaron a nova a iluminación das pistas. Fixérono acompañados por membros do club de tenis.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
