Lugo, 12 de abril de 2018. O Deputado de Deportes, Pablo Rivera Capón, e a Alcaldesa de Viveiro, María Loureiro García, presentaron este xoves a Carreira de Montes de Viveiro CAMOVI 2018, que terá lugar a fin de semana do 21 e 22 de abril no municipio mariñán, co apoio do Goberno da Deputación e do Concello de Viveiro. O Executivo Provincial decidiu achegar 3.000 euros para a celebración deste evento deportivo, posto que xera un importante retorno económico para a localidade polo número de persoas que reúne, entre corredores e acompañantes. No acto tamén participou Pedro Esmorís García, Director Técnico da CAMOVI, e María Luz Abella, Presidenta da Asociación Española Contra o Cancro, a quen se lle fixo entrega dun talón donativo, pois os fondos recadados a través das inscricións nos adestramentos da carreira serán entregados á mencionada Asociación.
Rivera Capón subliñou que “esta competición converteuse no referente das carreiras por montaña en Galicia. Nestes intres xa hai máis de 480 inscritos e a previsión é que se chegue ao medio millar de participantes durante a fin de semana competindo nas diferentes probas programadas. A esta cifra hai que engadir os familiares e acompañantes que se achegarán a Viveiro durante os dous días, e que poderán gozar da maxestuosidade das súas paisaxes e da cálida acollida das súas xentes”.
O Deputado de Deportes engadiu que “sen dúbida, trátase dun atractivo reto polos montes máis elevados de Viveiro, desde onde se poden contemplar as mellores vistas do Val do Landro e a Ría de Viveiro. Estamos seguros de que os participantes que nos visiten chegados de toda a xeografía galega e localidades limítrofes quedarán con ganas de repetir e volver a Viveiro en novas ocasións”.
Pola súa parte, Loureiro García agradeceu “o compromiso da Deputación co noso Concello e a vontade de colaboración que sempre nos atopamos cando propoñemos iniciativas e actividades coas que promover a nosa economía e o turismo na comarca como é esta Carreira de Montes, que non me cabe dúbida repetirá o éxito de pasadas edicións. Non en vano, as reservas nos hoteis e casas rurais da zona incrementáronse notablemente durante a citada fin de semana con motivo da competición”.
Adestramentos solidarios
Nas últimas semanas tiveron lugar catro adestramentos non competitivos para coñecer os percorridos da CAMOVI. Os fondos recadados coas inscricións teñen unha finalidade benéfica, pois serán entregados integramente á Asociación Española Contra o Cancro para o desenvolvemento da súa importante labor social. Estes adestramentos foron adaptados a todos os públicos. Segundo o nivel físico os corredores dividíronse en dous ou tres grupos, de tal forma que mesmo os máis lentos foron sempre acompañados por un guía da organización.
O primeiro adestramento tivo lugar o 28 de xaneiro, os participantes saíron da Praza Maior de Viveiro e chegaron ao mesmo sitio. O segundo foi o 18 de febreiro, con saída da Praza Maior de Viveiro e chegada a “A Feira de Galdo”. O terceiro, o 11 de marzo con saída de “A Feira de Galdo”, a uns 5 quilómetros de Viveiro e chegada a Naseiro a uns 6 quilómetros de Viveiro. Finalmente, o derradeiro adestramento tivo lugar o 1 de abril con saída de Naseiro e chegada a Viveiro.
6 probas para todos os públicos
A Carreira de Montes de Viveiro contará con 6 probas aptas para todas as idades. Deste xeito, durante a xornada do domingo haberá un percorrido de 42 quilómetros, outro de 21 quilómetros, un circuíto de 10 quilómetros e unha andaina popular de 11 quilómetros. O sábado, a partir das 11:00 horas, terá lugar unha proba infantil (para nenos de ata 6 anos) cun percorrido de 100 metros. Así mesmo, tamén haberá unha proba de 45 quilómetros repartidos en dúas etapas: o sábado (24 quilómetros) e o domingo (21 quilómetros).
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
