Aviso do Concello de Viveiro sobre análises das augas nas casas

Viveiro 12-4-18. No Concello de Viveiro tívose coñecemento da existencia dunha empresa que nestes días está a visitar as casas deste municipio para realizar análises do subministro de auga; dende o concello quérese advertir que:
– Non se trata de ningún servizo municipal.
– O abastecemento de auga municipal está controlado por Viaqua, empresa concesionaria deste servizo, que periodicamente realiza as análitas que contempla a lei para controlar e garantir a potabilidade da auga. Ademais, dende a Consellería de Sanidade, a través do Programa de Vixiancia Sanitaria das Augas de Consumo, tamén se realiza un control periódico do subministro.
Por todo isto, dende o concello infórmase que a calidade da auga da rede de subministro cumpre cos parámetros esixidos pola lei.
Ante calquera dúbida con respecto á tarefas que empresas alleas ao concello pretenden realizar en domicilios particulares, poden poñerse en contacto con este concello, con Viaqua ou coa Policía Nacional.