Mondoñedo, 12 de abril do 2018. O grupo municipal do BNG no concello de Mondoñedo defenderá no pleno ordinario de mañá venres día 13 unha moción para que o goberno municipal elabore un inventario de vías e camiños públicos de titularidade municipal.
O voceiro nacionalista, Eloi Cabanas, apunta que o concello de Mondoñedo non dispón dun inventario de camiños públicos nin doutro tipo de documento que acredite a titularidade deste tipo de vías, e con esta iniciativa pretenden proporcionar unha maior seguridade xurídica e dotar ao concello dunha ferramenta de traballo fundamental para clarificar a titularidade pública ou privada das vías e camiños que integran a rede viaria do concello. “Sería unha ferramenta eficaz que permitiría ademais axilizar trámites, solventar problemas entre veciños e veciñas e programar obras de mellora”.
Para o portavoz do BNG a competencia municipal en materia de vías públicas alcanza tanto ás vías urbanas como os camiños rurais, “é obrigación das entidades locais protexelos e mantelos nun bo estado de conservación”.
-PREGUNTAS PARA PLENO-
O BNG INTERÉSASE POLA SITUACIÓN LEGAL NA QUE SE ENCONTRA A CANTEIRA DE LOUSA EN VEIRA DO RÍO.
Despois da emisión dun informe dos servizos técnicos municipais que di que a comunicación previa da ampliación da explotación mineira “As Revas” nº5646 presentada o 20/06/2016 non ten eficacia ao estar pendente de aportar documentación así como de realizar aclaracións que non foron aínda feitas perante o concello de Mondoñedo.
O BNG pregunta se a empresa está traballando legalmente e se presentou toda a información que faltaba ou que estaba incompleta.
OBRAS DE MELLORA NA N-634.
O BNG mindoniense pregunta polas obras de mellora anunciadas en varias ocasións na N-634.
Segundo o grupo nacionalista a alcaldesa de Mondoñedo e outros representantes públicos do Partido Popular anunciaron publicamente en varios foros a existencia dun proxecto en fase de redacción para obras de mellora, que incluían aglomerado en quente, melloras na sinalización, limpeza e perfilado de cunetas ou o cerramento de tramos para evitar a entrada de animais á estrada.
O BNG pregunta se o concello ten información dos prazos previstos para realizar as obras e se o Ministerio de Fomento ten en conta a proposta do BNG local, aprobada por unanimidade pola corporación municipal o 30 de outubro do 2015, de prolongar o terceiro carril ata a rotonda de enlace coa A-8 no alto da Xesta.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
