LUGO, 12 de abril de 2018.- A presidenta provincial, Elena Candia, presidiu hoxe a Xunta Directiva Provincial, na que fixo unha análise da situación vivida nos últimos días na Deputación de Lugo. A dirixente dos populares, que ademais é a voceira do Grupo Provincial do PP, falou alto e claro, e non dubidou en recoñecer que “os líos internos do PSOE converteron á Institución nun circo esperpéntico, no que os grandes prexudicados somos os lucenses”.
“Xa non serve que falen de informes, xa non serve que busquen culpables poque se demostrou que non foron capaces de entenderse cos seus socios de goberno, o Bloque Nacionalista Galego que rematou por abandonar o barco á mínima de cambio; que non foron capaces de entenderse co compañeiro de Becerreá, vicepresidente da Deputación e presidente de SUPLUSA que eles mesmo puxeron e, moitos nos tememos, que os que quedan tampouco se entenden entre eles. Unha situación que leva á Institución á unha deriva sen precedentes”, destacou
Por este motivo, Candia considera que os socialistas, “nun exercicio de responsabilidade, “deben asumir o que fixeron, alguén debe comparecer e incluso deben producirse dimisións”. “Os veciños merecemos un respecto e unhas desculpas públicas por tal comedia, como tamén as merecen todas esas persoas que acadaron unha praza para traballar nas residencias e, tres anos despois, seguen agardando nas súas casas para poder ocupar o seu posto de traballo”. De feito, apuntou, “seguen sen aclarar as sospeitas que existen sobre quen se vai beneficiar do xiro que lle deron á apertura dos centros; unhas acusacións, lembrou, vertidas polo propio vicepresidente da Institución ata onte e presidente de SUPLUSA”.
E é que o Grupo Provincial Socialista “non foi quen de cumprir a normalidade democrática que prometeran naquel apretón de mans entre Darío Campos e Martínez cando escenificaron un entendemento que, hoxe vemos que foi interesado, pero que nunca existiu como tal”. “O PSOE en Lugo é un avispeiro”, remarcou, ao tempo que cuestionou o liderado do presidente da Institución: “a provincia non se merce este Goberno. Crearon unha situación de ingobernabilidade que se houbera evitado se gobernara o Partido que gañou as eleccións”.
“Un secretario provincial que se lle cae o Partido”
A renglón seguido, atribuíu tamén “este desastre” a un secretario provincial “que, en pouco tempo, está facendo bos aos anteriores”. “Cáeselle a Deputación, cáenselle os concelleiros de Sober que abandonaron o grupo municipal…. Que máis pode pasar neste Partido? E ninguén esixe responsabilidades?”, pregúntase, unha vez máis a presidenta provincial.
O BNG, “en continua descomposición”
A popular tamén tivo palabras para o Bloque Nacionalista Galego; un Partido, dixo, “en continua descomposición”. Proba delo é que “un día aparecen no Pleno, outro día non; a veces non queren votar, logo vanse da sesión….” Estas “idas e vidas dos nacionalistas”, amosan, unha vez máis, que “non son garantía para asumir responsabilidades na Deputación e, difícilmente, nos Concellos. De feito, só gobernan en dous. Por algo será…” apuntou Candia.
A do PP, a única postura “coherente” e a única forza estable
Pola contra, puxo en valor que o Partido Popular mantivo unha postura “coherente e construtiva en aras de cumprir a legalidade e os acordos adoptados para as residencias”. “O que non sería ético, nin responsable pola nosa parte sería que nun Consello de Administración se aprobase abrir o centro de Castroverde e logo chegar ao Pleno da Deputación, que xa sabemos que é órgano soberano, dicir o contrario”.
“A posición do PP sempre foi a do pacto e o diálogo, o que trouxo consigo a aprobación dos presupostos, o plan provincial de estradas ou a implantación do plan único. Non houbo un Partido máis leal a esta provincia que o do PP”.
Neste senso, destacou que o Partido Popular “somos a única forza capaz de dar estabilidade á provincia e ás institucións”. Tal é así, indicou que, “co que está a pasar, os lucenses de seguro que non teñen a menor dúbida de que non me equivoco nesta afirmación”.
Asemade, adiantou que “velaremos porque non bloqueen o funcionamento na institución e porque se goberne para todos”. “Este mandato pasará á historia pola súa inestabilidade e a incapacidade dos membros do PSOE para reconducir a situación”, concluíu.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
