Viveiro 13-4-18. A veciñanza de Viveiro falou e debateu esta tarde sobre a reforma sanitaria do PP e as accións a levar a cabo contra a reforma da Lei de Saúde, na que a área de sanitaria da Mariña desaparece e pasa a converterse nun distrito sanitario de Lugo.
CENTRALIZACIÓN E PERDA DE SERVIZOS.
A dependencia orgánica do Hospital de Lugo dos centros da Mariña implica a centralización dos servizos hospitalarios na capital da provincia e a conseguinte perda de servizos e especialidades en Burela, así como desprazamentos constantes da poboación da Mariña, nalgúns casos a máis de hora e media de viaxe, a Lugo para realizar probas e consultas que até agora realizaban nas súas comarcas.
UNHA REFORMA SANITARIA PARA BENEFICIAR Á MEDICINA PRIVADA.
Os grandes beneficiados da reforma sanitaria impulsada polo PP son os hospitais privados da cidade de Lugo. A conta de resultados dalgúns destes centros, como o Polusa ou a Nosa Señora dos Ollos Grandes, que curiosamente acometeu recentemente unha importante reforma das instalacións, non paran de medrar a medida que se reduce a carteira de servizos do hospital de Burela.
A veciñanza manifestou o seu malestar polo aumento de derivacións ao centro médico privado de Lugo, Polusa, para probas e intervencións cirúrxicas que antes se facían no Hospital da Costa, ou mesmo para facer unha simple “placa dental” (unha sinxela radiografía) para o que é necesario tamén desprazarse a Lugo.
CONCENTRACIÓNS PARA PEDIR A DERROGACIÓN DA LEI DE SAÚDE.
“No PP gañaron pero saben que perderon porque non teñen o apoio veciñal ao votar no pleno municipal a favor da supresión da nosa área sanitaria”. E cada día van ter enfronte a máis veciñanza defendendo a sanidade pública, universal, gratuíta, de calidade e de proximidade polo que a aprobación da reforma sanitaria non vai ser o punto e final, senón un punto e seguido na loita en defensa da sanidade pública da comarca”, asegura a veciñanza.
Veciños e veciñas criticaron que o PP de Viveiro teña apoiado esta reforma negándose a garantir os servizos sanitarios, tal e como solicitaban as veciñas e veciños porque están, din, “obsesionados con recortalos e facer negocio ”. Advertiron que esta reforma sanitaria diminúe os servizos sanitarios e vulnera o dereito á igualdade na atención sanitaria.
Lembraron que o PP “sempre se opuxo a defender a sanidade pública”, tanto no debate da Lei Xeral da Sanidade de 1986 como na transferencia da sanidade a Galicia en 1989 ou na Lei de Saúde de 2008 e, agora, reformando a Lei galega.
Deixáronlle claro ao PP que “non conten nunca con desmantelar a sanidade e que o pobo de Viveiro quede calado” porque, dixeron, “non se pode facer política pensando en facer negocio coa nosa saúde senón en garantir dereitos”.
Acordan por votación a man alzada manter as protestas e concentrarse cada mes diante do Concello de Viveiro coincidindo cos plenos municipais, e consideran necesario desaloxar ao PP do goberno da Xunta e dos Concellos para deter esta demolición planificada dos servizos públicos.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
