A Mariña 14-5-18. O Presidente, Darío Campos Conde, xunto ao Deputado de Relacións Institucionais, Álvaro Santos, a Deputada pola Comarca da Mariña, Mayra García, e a Alcaldesa de Viveiro, presentou este luns as actuacións que o Goberno Provincial leva á Mariña través do Plan Único 2018. Fíxoo nun acto aberto ao público en xeral, que tivo lugar no municipio viveirense e ao que foron convidados todos os Alcaldes da Comarca.
Campos Conde destacou que “son outros 5 millóns os que achegamos aos 73.000 veciños dos 16 Concellos da Comarca para mellorar a súa calidade de vida mediante a mellora de infraestruturas (estradas, traídas de auga, saneamentos, instalacións deportivas, culturais…), atención profesional a maiores ou con novas actividades turísticas, deportivas ou culturais que dinamicen social e economicamente a Mariña”.
“Ante a discriminación que sofre a nosa provincia na distribución dos fondos públicos das principais administracións no país, Xunta de Galicia e Goberno Central, que nalgúns casos é practicamente inexistente; este Goberno Provincial incrementa ano tras ano os fondos dos seus programas para os 67 Concellos con criterios totalmente obxectivos e equitativos na distribución do seu orzamento. No 2016, destinamos aos mesmos 11 millóns, ao ano pasado 20 e nesta anualidade 21 millóns. Buscamos o desenvolvemento real da nosa provincia en igualdade de condicións vivas onde vivas.”
“O firme compromiso do Goberno non é suficiente, pois só nos permite sobrevivir como provincia. É preciso que Xunta e Goberno Central, con orzamentos infinitamente maiores ao da Deputación, amosen dunha vez por todas un verdadeiro compromiso coa nosa provincia, poñendo en marcha medidas que garantan que os fondos públicos, que son de todos os cidadáns, tamén cheguen aos lucenses, a todos. Debemos reivindicar compromisos no DOG e no BOE, non máis palabras”, destacou o Presidente.
Neste senso, Campos Conde reclamou infraestruturas dignas para a Mariña e solucións para a N-634, N-642, A-8, A-74, o FEVE…; unha sanidade pública de calidade que permita aos veciños recibir atención profesional de calidade nos seus centros de saúde e no Hospital da Costa; verdadeiras oportunidades de emprego e económicas que contribúan ao pulo dunha Comarca na que se concentra o 30% da poboación da provincia… entres outras reclamacións.
Distribución dos 5 millóns
A través do Plan Único da Deputación para 2018, o Goberno Provincial inviste nos 16 Concellos da Mariña preto de 5 millóns de euros, dirixidos a mellorar a calidade de vida dos 73.000 veciños da Comarca. A distribución destes fondos é a seguinte:
– 3,2 millóns de euros en investimentos son para a execución de máis de 60 obras de mellora de servizos públicos na Comarca. “Seguiremos sendo polo tanto a administración que lidera a obra pública na provincia”, destacou Campos Conde.
– Case 540.000 euros están dirixido a atención dos maiores. “Facémolo a través do Servizo a domicilio para persoas non dependentes, as que non atende a Xunta de Galicia. Este investimento permítenos ofrecer 56.000 horas de atención profesional a veciños da Mariña”.
– 740.000 euros son para a xeración directa de 70 novos postos de traballo nos Concellos. “Facémolo a través do DEPUemprego, o que nos permitirá contratar a lucenses no paro nos propios Concellos para reforzar as prestacións municipais que as entidades locais deben ofrecer aos veciños. Seguiremos sendo a administración que máis inviste en políticas activas de xeración directa de emprego”.
– 175.000 euros son para a dinamización social e económica da Comarca a través do turismo, “pois estes fondos garanten a celebración de 25 iniciativas como festas, feiras ou festivais que xeran riqueza”.
– Case 82.000 euros son para a promoción cultural na Mariña, financiando máis de 40 actividades.
– 86.000 euros son para a celebración de máis de 32 iniciativas deportivas na Comarca, “cando xa somos a 1ª Deputación en Galicia e a 3ª en España que máis inviste en deporte por habitante”.
– 28.700 euros á mellora das administracións electrónicas dos municipios, para facilitar aos veciños da Mariña trámites cos Concellos a través de internet.
– 16.000 euros ao financiamento de 5 grupos de protección civil da Mariña. “Trátase dunha nova liña que incorporamos este ano porque os voluntarios así nolo solicitaron, despois dos recortes dun 50% que a Xunta fixo neste servizo”.
Fondos por Concello
ALFOZ 267.779,34 €
BARREIROS 269.158,06 €
BURELA 358.625,95 €
CERVO 287.017,80 €
FOZ 406.428,68 €
LOURENZA 249.519,39 €
MONDOÑEDO 303.570,89 €
OUROL 303.977,95 €
PONTENOVA (A) 269.235,28 €
RIBADEO 429.274,72 €
RIOTORTO 232.388,50 €
TRABADA 246.774,69 €
VALADOURO (O) 283.106,93 €
VICEDO (O) 251.666,48 €
VIVEIRO 500.000,00 €
XOVE 271.748,88 €
Tendo en conta a superficie, poboación, envellecemento, taxa de paro e dispersión poboacional, a distribución dos case 5 millóns de euros do Plan Único 2018 nos 16 C
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
