Lugo, 15 de maio de 2018. O representante do BNG na Sociedade Urbanística Provincial de Lugo (SUPLUSA), ente propio dependente da Deputación provincial de Lugo, vén de anunciar a decisión do BNG de abandonar o seu Consello de Administración e, polo tanto, a súa dimisión como conselleiro nese organismo.
O BNG sempre defendeu que SUPLUSA necesitaba cambios de calado para levar adiante o seu traballo. Nesa liña, no propio acordo que no seu día o BNG asinou co PSOE estaba nun dos seus primeiros puntos a “reformulación de SUPLUSA” así como “facer os cambios precisos no seu persoal de dirección”.
Esta decisión do Grupo Provincial, ratificada pola Executiva Nacional do BNG, vén provocada neste momento pola situación de enfrontamento que se está a producir entre a dirección da sociedade e o propio goberno da Deputación, enfrontamento que leva a que o PP e Martínez, coa súa maioría antidemocrática, usen esta sociedade para recorrer decisións da propia Deputación, cuestión que para o BNG resulta totalmente absurda e inaceptable.
“É realmente inaudito que un órgano dependente dunha institución se “revele” contra as decisións desa institución, chegando incluso a recorrer as súas accións. Calquera deputado ou deputada ou calquera grupo político, pode recorrer as decisións do goberno, están no seu dereito e é totalmente lexítimo, pero non poden usar unha institución ou un organismo como SUPLUSA para facer este traballo”, manifestou o deputado do BNG.
O BNG xa o viña advertindo
Do mesmo xeito, tamén se advertiu dende o BNG que esta situación de “contrapoder” de SUPLUSA se ía producir cando o PSOE e PP votaron a favor de que unha persoa distinta do presidente da Deputación, neste caso Manuel Martínez, fora presidente de SUPLUSA.
“A actual situación débese a división interna do PSOE así como á súa incapacidade para facer os cambios precisos cando podía que facelos, lembrándose diso só cando perdeu o control sobre ese ente e polo tanto cando deixou de poder sacar proveito do seu funcionamento”, asegurou Xosé Ferreiro.
O BNG segue defendendo os medios propios das administracións
A pesares do que está a acontecer, o BNG seguirá a defender que se fagan os cambios necesarios en SUPLUSA para que poida ser a todos os efectos un medio propio da Deputación, unha instrumento eficaz, controlado totalmente pola Deputación, e ao seu total servizo e, polo tanto, ao servizo da cidadanía de Lugo. A súa utilidade non está en entredito, só o seu funcionamento.
O BNG sempre seguirá a defender o uso e medios públicos por parte das administración como ferramenta máis útil para levar a cabo un traballo eficaz e útil para a cidadanía.
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).