Barreiros, 16 de maio de 2018. O servizo de axuda no fogar do Concello de Barreiros atende a 60 usuarios, dos que 18 son de prestación básica e 42 son dependentes. O departamento de Servizos Sociais conta cunha plantilla formada por 23 persoas.
O departamento de Servizos Sociais do Concello de Barreiros conta cunha plantilla formada por unha traballadora social, unha educadora familiar, un administrativo e 20 auxiliares de axuda a domicilio.
O alcalde, Alfonso Fuente, sinala que “tendo en conta, as características sociodemográficas do noso concello, dende o departamento de Servizos Sociais, lévase a cabo tramitación de diversas axudas, como poden ser prestacións económicas para os diferentes colectivos (dependencia, discapacidade, drogodependencias, inclusión social, familia e infancia, muller, maiores….)”.
O rexedor subliña que “o programa de axuda no fogar préstase mediante xestión directa, abarcando os 72 quilómetros cadrados que ten o municipio e atendendo a un total de 60 usuarios, dos que 18 son de prestación básica e 42 dependentes. A día de hoxe non existe lista de agarda en ningunha das dúas modalidades”.
E engade que “os servizos son prestados de luns a domingo de 7:00 da mañá a 22:00 da noite para a modalidade de dependencia e para a modalidade de libre concorrencia a prestación é de luns a venres en horario de mañá”.
Desde o departamento de Servizos Sociais indican que “o que se pretende dende o Concello é posibilitar a permanencia das persoas no seu contorno de convivencia habitual retardando ou evitando a institucionalización. Estas accións consisten en atencións de carácter básico (de carácter persoal e doméstico e da vivenda) e atencións complementarias (préstamo de axudas técnicas)”.
Os usuarios están satisfeitos co servizo de axuda no fogar. Ramiro conta que “ademais da comida e da limpeza o importante tamén é a compañía. A rapaza que eu teño, e que ven unha hora ao día, para min é un anxo”. Este usuario leva pouco tempo con esta axuda, pero coincide nas súas impresións con outros que levan moito máis. Arsenia, de 93 anos, dixo: “levo mais de ano e medio con este servizo e estou encantada, porque podo estar na miña casa en lugar de ir para unha residencia. Tanto eu coma o meu fixo estamos moi contentos con esta axuda e co traballo que fan”.
O servizo de axuda no fogar do Concello barreirense atende a 60 usuarios
Relacionado
-
María Teresa Díaz Sanjurjo, veciña de Castropol, gañou un dos premios da campaña da Volta ao Cole de Acisa Ribadeo
-
Mulleres inmigrantes de Foz completan con éxito os cursos de caixeira/repoñedora e camareira de pisos
-
Dobre recoñecemento internacional para Adega Don Pedro Leivas de Riotorto no Salón Internacional de les Sidres de Gala
As fotografías empregadas serán de uso interno e non se publicarán nin compartirán en redes sociais nin en internet. A actividade está aberta tamén a nenos e nenas doutros concellos.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
A programación do último trimestre inclúe Maiores con Arte, Moito máis que café, Entre risas e animación domiciliaria. Tras os obradoiros iniciados en maio, o Concello mantén o contacto cos participantes e leva as propostas ás asociacións para facilitar novas incorporacións. Na presentación explicaranse as formas de participación e os servizos dispoñibles. O programa conta co apoio da Consellería de Dereitos Sociais e Benestar do Principado de Asturias.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
