Ribadeo, 18 de maio de 2018. O salón de plenos do Concello acolleu esta tarde a recepción ofrecida a Ana Iglesias Sobrino, que se proclamou campioa de España de rugbi olímpico coa selección galega.
No seu discurso o concelleiro de Deportes, David Rivas, dixo que “hoxe damos a benvida por partida dobre. En primeiro lugar, benvida, Ana, e noraboa por ese campionato de España acadado coa selección galega, do que sentimos un enorme orgullo. E en segundo lugar, temos que dar a benvida ao deporte do rugbi a estas pequenas celebracións que facemos neste salón de plenos cando deportistas ribadenses colleitan éxitos deste calibre”.
O edil nacionalista manifestou que “o rugbi, que conta con apenas 2 anos de vida en Ribadeo, tivo unha moi boa acollida no noso concello, cun grande número de nenas e nenos practicándoo e un excelente traballo por parte do club na súa formación, que os está levando a competir a un altísimo nivel. Para nós é unha satisfacción moi grande poder contribuír cos medios dos que dispón o Concello de Ribadeo a sacar adiante este deporte que, non só se caracteriza pola súa deportividade a pesar de ser un deporte de moito contacto, senón que nos une co resto de nacións atlánticas irmás de Galicia, nas que goza de gran tradición. Por iso cando se nos brindou a oportunidade de colaborar coa creación do club nin o pensamos”.
David Rivas sinalou que “gústanos apostar polos deportes minoritarios e enfocalos como transformadores da sociedade, visibilizar que hai outras opcións e deportes extraordinarios ademais dos que nos meten polos ollos a diario os medios de comunicación.
E engadiu: “é unha pena que chegásemos tarde para Ana, e tivese que formarse na Coruña, cunha progresión meteórica ata o día de hoxe. Quen sabe onde estaría agora se puidera comezar a practicar rugbi aquí con 11 ou 12 anos. En calquera caso queremos mostrar a nosa ledicia de que Ana abandeire a Ribadeo no CRAT A Coruña xunto con Tania, e tamén na selección galega. Agardamos para ela unha carreira chea de éxitos e que poida vir aquí celebralos con nós. Estaremos agardándoa cos brazos abertos”.
No acto celebrado esta tarde en Ribadeo participaron o alcalde, Fernando Suárez, a concelleira de Igualdade, Mariluz Álvarez, e o técnico de Deportes, Iván López.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
