Don Manuel albergaba,na súa figura miúda, unha grande calidade humana e unha vocación polo ensino ó que dedicaba todos os esforzos e permanente atención. Foi un adiantado ás novas técnicas pedagóxicas; a través das actividades extraescolares, as labores en equipo, etc. Na súa escola realizábanse traballos manuais – nos que era un experto -, aprendíase música e o dominio de instrumentos de corda: guitarra,banduria, laúde e ensaiábanse a coro cancións galegas tradicionais.
Na aula dispuña dun pequeno museo natural, ó que ían a parar os mais heteroxéneos elementos dos que os alumnos recibían as correspondentes leccións. Moi afeccionado á pintura, copiaba obras de grandes artistas: Velázquez, Murillo, O Greco…que penduraba das paredes e comentaba cos rapaces.Representaban obras de teatro, por él dirixidas e algunhas tamén escritas. Destas a mais popular é a titulada “De vello… gaiteiro”, que na actualidade foi representado polo grupo teatral “O Pico doCastro” por toda bisbarra, con notable éxito.
As súas ensinanzas tiñan unha orientación eminentemente práctica, con vistas ó futuro desempeño dos diversos oficios, que eran a máxima aspiración dos xoves de entón; daí a importancia da xeometría, a aritmética, agrimensura e o debuxo. Amante da natureza, nas camiñadas por camiños e corredoiras; polo campo e a beiramar, espertaba nos rapaces o interese polo medio natural e a súa conservación.
Cando a aventura do “Plus Ultra”– o hidroavión español que o ano 1926, por primeira vez atravesou o Atlántico sen facer escalas -, en tempos de tan pecarios ou inexistentes medios de comunicación e información, os discípulos de don Manuel eran coñecedores dos pormenores da travesía¸e o profesor artellou unha maqueta do histórico aparato que por moito tempo permañeceo pendurada do teito da aula.
Polo mes de abril de 1984 este cronista publicou a semblanza humana e profesional de don Manuel polo que suxería ó concello o recoñecemento á súa persoa. Os membros da Corporación, capitaneados entón por Pepe Paz,tomaron nota e, cinco meses mais tarde,consumábase a homenaxe. Fíxose unha exposición cos cuadros que él pintara; coas vellas fotografías das que fora autor: recortes de prensa e outros testemuños do seu fecundo labor; e divulgouse a súa biografía: dende entón unha rúa,pretiño da que fora a súa escola, leva o nome de “Mestre Lugilde”. Nacera en Lugo (1885), chegou a Foz(1921)e aquí finou (1948). Él foi un significado persoeiro da historia escolar da nosa vila.Lembrámolo con agarimo e gratitude.
Don Manuel Lugilde Penelas era curmán do músico lugués, don Gustavo Freire Penelas,
que da nome ó Conservatorio daquela cidade.
“Lembranza do mestre Lugilde”
Relacionado
A interrupción do servizo está prevista entre as 8.00 e as 19.00 horas con motivo dos traballos de conexión á nova obra de saneamento que se está a executar na contorna. Trátase dunha intervención necesaria para avanzar na mellora das infraestruturas e dos servizos básicos na zona.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A presidenta do Consello da Cultura Galega, Rosario Álvarez, destacou o carácter participativo da iniciativa, organizada xunto á Xunta e co apoio do Concello. O director xeral de Cultura, Anxo Lorenzo, puxo en valor o traballo colectivo e a implicación das novas xeracións. O concerto estivo dirixido por Maximino Zumalave, coa formación Hércules Brass e Rosa Aneiros como mantedora. Ademais, anunciouse que a próxima edición estará dedicada a Xosé Neira Vilas.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
