Santiago de Compostela, 31 de maio de 2018. Un asociado da Unión de Consumidores de Galicia foi dado de alta nunha tarxeta de crédito de Wizink Bank que nin solicitou nin autorizou. No seu día, cando lle chegou foi directamente ó banco a devolvela e solicitar a súa inmediata cancelación, polo que non fixo uso da mesma en ningún momento.
O problema chegou anos máis tarde cando lle cargaron na súa conta recibos correspondentes a esta tarxeta. Resultaba imposible que o noso asociado adebedase recibo algún en relación a esta tarxeta, malia todo Wizink cargoulle un recibo de 35€ e reclamáballe outro por un importe de 53,18€, motivo polo cal a entidade bloqueou a devandita tarxeta ó existir unha falta de pagamento.
O máis cuestionable deste caso é que a entidade Wizink pretendese cobrarlle ó noso asociado por un produto que non solicitou e do cal descoñecía as condicións particulares e xenerais porque non chegou a asinar un contrato. Tamén cuestionamos que se producise calquera gasto asociado a unha tarxeta da que nunca se fixo uso, dado que foi devolta nada máis chegar.
Ademais, durante os anos que supostamente o noso asociado tivo esta tarxeta xamais recibiu comunicación algunha sobre o seu estado, nin información sobre a súa activación, nin ningún tipo de dato referido ás comisións. Este cargo repentino na súa conta, por unha tarxeta que non ten o consentimento expreso do cliente supón unha mala práctica por parte de Wizink baseada no feito de que as entidades bancarias están obrigadas a remitir anualmente ós seus clientes, durante o mes de xaneiro de cada ano, unha comunicación completa e detallada que recolla a información sobre os intereses cobrados e pagados e as comisións e gastos devindicados por cada servizo bancario prestado durante ó ano anterior. Esta información xamais foi remitida ó noso asociado quen descoñecía que esta tarxeta estaba activa e xerando gastos.
Desde UCGAL solicitamos á entidade a devolución do importe de 35 €, a anulación do recibo de 53,18 € que entendemos indebidamente reclamado, a anulación da tarxeta e tamén a cancelación dos datos do noso asociado da base de datos da entidade e de todas aquelas entidades ás que foran cedidos. Wizink atendeu o noso requirimento devolvendo e anulando os recibos e procedendo á supresión dos datos do noso asociado dos seus ficheiros e á cancelación da tarxeta en cuestión.
ÚLTIMA HORA
- Arrancan as obras no tramo final da LU-P-4802, que une A Pontenova e Ribeira de Piquín
- O PP de Trabada reprocha ao goberno local que deixase pasar programas clave como Aprol Rural
- A Xunta someterá a información pública o estudo informativo e ambiental da variante de Viveiro
- A Garda Civil desartella un grupo itinerante que furtaba en aparcadoiros da Mariña
- O Teatro Pastor Díaz de Viveiro acollerá este sábado 2 de maio, ás 20:30 horas, a representación da obra “Los hombres no mienten”, a cargo do grupo local Andanzas
A función está dirixida ao público adulto e a entrada será de balde, ata completar aforo. O evento conta coa colaboración do Concello. Unha nova oportunidade para gozar do teatro local e apoiar o traballo das compañías da comarca. - Este xoves 30, ás 17:15 horas, a Casa da Cultura do Vicedo acollerá unha actividade de animación á lectura coa compañía Trécola Producións, que presentará o espectáculo “Contos da Lúa”, dirixido a nenos e nenas de Educación Primaria
Sinopse: Cando chega a noite e nós durmimos, a Lúa asoma polas fiestras e goza dos nosos soños. Así descobre historias máxicas, tolas e divertidas. Os seus soños favoritos son os de Calcetín, un personaxe amante da lectura e cunha imaxinación desbordante. Viaxa entre estrelas, pilota un zapato que percorre os mares ou chega ao mundo do revés. Unha proposta chea de fantasía e creatividade para fomentar o gusto pola lectura entre os máis pequenos. - A XXXV Festa da Filloa de Muimenta celebrarase o 1 de maio co apoio da Xunta e da Deputación
Na presentación participaron o delegado territorial da Xunta, Javier Arias; o Deputado de Cooperación e Asistencia aos Concellos, Xosé María Arias e o deputado de Rural Daniel García, que puxeron en valor a tradición e o traballo das filloeiras. A organización prevé poñer á venda 18.000 filloas, incluíndo opcións sen glute, e o recinto feiral acollerá artesanía, música, obradoiros e a entrega dos premios do concurso escolar. O xornalista David Valverde Cabaleiro será o pregoeiro. A Vicepresidencia da Deputación colabora coa actuación de Nubeiro e cunha degustación de xamón de porco celta a través do programa Un Gusto de Rural. Arredor de 150 persoas participarán na organización ao longo da xornada. - O Concello de Navia fai un balance moi positivo da XVII Feira do Libro e da III Feira da Ilustración, que durante a fin de semana atraeron numeroso público
A reorganización dos espazos —stands na Praza do Casino e presentacións no Cine Fantasio— foi clave para o éxito. A concelleira de Cultura, Patricia Rodríguez, destacou a boa acollida e a resposta do público, valorando moi positivamente o novo formato. - Ortigueira acolleu a IV Concentración Motera
Estivo organizada polo Motoclub Os de Sempre, que reuniu este fin de semana a centos de participantes chegados de Galicia, Asturias, León e o Bierzo. O programa incluíu unha ruta nocturna en homenaxe aos moteros falecidos, ademais de momentos de convivencia en comidas e actuacións musicais dos grupos Primera Línea e Malditos Pendejos. Na entrega de trofeos participaron o alcalde de Ortigueira, Valentín Calvín, e a concelleira Isabel Rego. - O delegado territorial da Xunta en Lugo, Javier Arias, visitou este sábado a XXXV Feira da Maquinaria Usada e Artesanía e a XIX Feira das Antigüidades de Cospeito
Destacou o seu valor como punto de encontro e motor económico e cultural da comarca. Arias puxo en valor o labor do Concello por manter eventos de referencia como a Moexmu, esta feira e a próxima Festa da Filloa, que contribúen a promover o sector agrogandeiro e a tradición galega. - O Concello de Ortigueira programa para o 1 de maio ás 20:30 h o espectáculo El sentir de mi sentido no Teatro da Beneficencia, a cargo do grupo vocal Qvinta Essençia, referente na interpretación da polifonía renacentista
A concelleira de Cultura, Ana Cartelle, destacou que “es un privilegio para Ortigueira contar con una formación de la talla de Qvinta Essençia”, e subliñou que o concerto ofrece “una oportunidad única para disfrutar de una música que en su día fue la vanguardia de las cortes europeas”. O recital propón unha viaxe pola lírica e a música do Renacemento, con obras de Guerrero, Morales ou Vázquez e textos de Garcilaso, Boscán ou Lope de Vega.
2021 Crónica 3 A Mariña - Implementado por GaliciaDigital