Lugo, 14 de xuño de 2018,vO Presidente, Darío Campos Conde, adiantou que o Goberno Provincial acordou destinar este ano un total de 680.000 euros á atención de animais abandonados na provincia, colaborando deste xeito ademais cos 67 Concellos. Campos Conde explicou que a Xunta de Galicia transferiu as competencias legais de recollida e xestión de animais abandonados aos municipios sen ningún medio económico para poder asumilas. Fíxoo a través da Lei 4/2017.
Campos Conde explicou que os 685.000 euros que achega este ano o Goberno da Deputación á atención de animais abandonados en toda a provincia distribúese do seguinte xeito:
– No Centro da provincia, o Goberno da Deputación acordou destinar case 400.000 euros. Desta cantidade, son 355.000 euros para ampliar e dotar de máis servizos ás instalacións da Sociedade Protectora de Animais e Plantas de Lugo, así como á adquisición dos subministros necesarios para a alimentación e coidado dos animais. Máis municipios da zona centro poderán adherirse, deste xeito, ao convenio coa Protectora para levar a estas instalacións animais abandonados. Polo de agora, están adheridos Lugo, A Pastoriza, Riotorto, Begonte, O Corgo, Becerreá, Portomarín e Castroverde. Hai capacidade para 400 animais.
Outros 40.000 euros son para a Asociación Animals Help, que ten a sede no Concello de Xermade. Estas instalacións prestan servizos aos municipios de Xermade, Castro de Rei, Mondoñedo e Guntín. A axuda do Goberno da Deputación é para adquisición dos subministros necesarios para a alimentación e coidado dos 100 animais para os que hai capacidade.
– No Sur da provincia, o Executivo Provincial achega 200.000 euros á construción dunha canceira. Campos Conde mantivo esta semana unha reunión con Alcaldes da zona, acordando situar estas instalacións en Monforte de Lemos ao tratarse do municipio máis céntrico do Sur lugués. Estas instalacións poderán acoller a uns 150 animais. Prestará servizo aos seguintes municipios: Antas de Ulla, Bóveda, Carballedo, Chantada, Folgoso Do Courel, O Incio, Láncara, Monforte de Lemos, Monterroso, Palas de Rei, Pantón, Paradela, O Páramo, A Pobra do Brollón, Portomarín, Quiroga, Ribas De Sil, Sarria, O Saviñao, Sober e Taboada.
– Na zona Norte, o Goberno da Deputación destina 85.000 euros á Asociación Protectora de Animais Valadouro–Alfoz. Estes fondos permitirán a ampliación da canceira que se sitúa no Valadouro para chegar poder acoller uns 30 animais. Estas instalacións prestarán servizo aos Concellos do Valadouro, Alfoz, Muras, Lourenzá, podendo sumarse máis municipios.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
