Lugo, 14 de xuño de 2018. O Presidente, Darío Campos Conde, avanzou este xoves que o Goberno da Deputación inviste outros 1,2 millóns de euros na mellora de case 30 quilómetros de 8 estradas provinciais ao seu paso por 5 Concellos da Mariña. Campos Conde explicou que o Executivo aprobará mañá na Xunta de Goberno a contratación das seguintes obras:
– En Riotorto, case 4 quilómetros da LU-P-4402 de Paraxes a Lourenzá por Bretoña a Muiñonovo. As obras, dotadas de 171.000 euros, levaranse a cabo no treito comprendido entre os puntos quilométricos 3,4 e 7,3.
– En Foz, preto de 3 quilómetros de dúas estradas con máis de 113.000 euros. Na LU-P-2010 de Bao a Ver actuarase no treito dende o punto quilométrico 0 ao 2,5. Na LU-P-2009 do Peirao de Foz por Marzán a Bispo Santo mellorarase o treito dende os puntos quilométricos 1,6 e 1,9.
– En Ribadeo, 11,3 quilómetros de 3 estradas con 554.000 euros. Na LU-P-5203 de Cedofeita por Couxela e Antiga Estación actuarase dende o punto 2,4 ao 7,8; na LU-P-5204 de Cedofeita por Arante a Regocorto (LU-132) entre os puntos 0 e 2,8; e na LU-P-5205 de Porto por Vilaosende á LU-P-5203 entre os puntos quilométricos 0,7 e 3,8.
– En Cervo, 2 quilómetros da LU-P-1502 de Burela por Vilaestrofe a Ferreira. Son 131.000 e actuarase no treito comprendido entre os puntos 7,5 e 9,5.
– En Barreiros, 5 quilómetros da LU-P-0609 de Vilamar por Gondán a Cruce da Insua. Son 230.600 euros para melloras dende o quilómetro 0 ao 5.
Neste curso a actividade estará dispoñible para as nosas pequenas Xoias e para alumnado externo, cunha sesión semanal, a cargo de Yasmin Toledo e Patrícia Sousa, do equipo de Segunda División. O alumnado poderá escoller o seu horario de adestramento entre os luns (16:00 h.-17:00 h., Vista Alegre) e os venres (19:30 h.-20:30 h., Monte Castelo). A actividade terá un custo de 6€/mes para o alumnado da escola laranxa e 24€/mes para o alumnado externo.
Un particular informou minutos despois das 11 horas deste xives dun camión que transportaba formigón envorcado no quilómetro 68 da N-640, á altura da parroquia de Ramil (Castro de Rei). Segundo explicou o mesmo alertador, o condutor permanecía no interior da cabina e outros dous turismos estaban implicados no accidente. De inmediato, desde o Centro Integrado de Atención ás Emerxencias solicitouse a acción de Urxencias Sanitarias de Galicia-061, da Garda Civil de Tráfico, dos Bombeiros de Vilalba e dos servizos de mantemento da estrada. Os bombeiros confirmaron que non tiveron que excarcerar, pois a persoa estaba xa fóra do vehículo cando chegaron ao punto. Así, colaboraron na limpeza da vía cos servizos de mantemento da estrada.
Neste espazo radiofónico Félix Jorquera falará coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
