A Mariña 20 de Xuño de 2018. A paciente padece dun proceso artrósico no ombreiro dereito que precisaba dunha intervención cirúrxica. Desde o SERGAS derívana a un hospital privado de Lugo para a intervención e acepta , pois a dor é importante e se non acepta sabe que terá que agardar moito tempo en ser operada. En xaneiro de 2018 é operada , máis atopan que a intervención é máis complexa do que se prevía inicialmente ( interesando ao labrum da articulación do ombreiro ). Logo da intervención cítana para a retirada de puntos e aos dous meses acude a consulta de seguimento postcirúrxico no propio centro. Tras realizar este control postintervención é informada de que finaliza o seu proceso , pois o SERGAS só ten pactada unha revisión postcirúrxica para os casos que deriva aos centros privados. “Quedeime asombrada , máis pensei que a partir dese momento o sistema público faríase cargo do meu seguimento, así que me acheguei ao HULA e solicitei unha cita para revisión con Traumatoloxía. A miña sorpresa foi que rexeitaron darme a cita alegando que no informe do centro do que procedía non especifica que tiña que ter seguimento médico” – relata a paciente ainda abraiada.
A paciente contacta coa Valedora do Pobo, que admite a súa reclamación a trámite.
Ante esta situación de abandono por parte da Administración, a paciente presenta unha reclamación que é desoída .Por iso decide acudir á Valedora do Pobo e presenta unha reclamación con número de expediente I.4.Q. / 4441/ 18. Esta é admitida a trámite porque a súa reclamación reúne os requisitos do artigo 18 da Lei do Valedor do Pobo. Igualmente decide acudir á Unidade Móbil de Axuda coas Reclamacións (UMAR ) para que lle axude a redactar unha reclamación que se presenta no rexistro o día 5 de xuño de 2018 con número de entrada 2377.
Pero non remata aquí o calvario que ten que sufrir esta paciente . Inmediatamente despóis de que presentar a súa reclamación no rexistro chámana desde o hospital para comunicarlle que a solución ao seu caso era pedirlle á súa médica de familia que “lle fixera un volante para unha primeira consulta de Traumatoloxía “, solución que a paciente rexeita pois o seu problema non é novo, senón que estamos a falar de revisións que lle corresponden por dereito tras a súa intervención e que son responsabilidade do SERGAS. “ A partir de aquí o trato foi de todo menos amistoso”- cóntanos nervosa e indignada. Con posterioridade é de novo chamada pola administración para informala de que lle deran unha cita de control e seguimento do seu proceso cirúxico no Servizo de Traumatoloxía do HULA o vindeiro 22 de Xuño.
A Plataforma Sanitaria esixe que a Xerencia se desculpe públicamente con esta paciente por todas as molestias que se lle causaron e celebra que remate o sufrimento desta muller que estaba desesperada ante a situación que se lle presentaba, pois ela accedeu a operarse na privada “sen sospeitar que ía ser víctima do abandono por parte do propio sistema , ao deixala á súa sorte sen ter dereito ao seguimento por parte do centro no que se operou nin tampouco no sistema público que a derivou”- comentan . Máis de novo os integrantes da Plataforma lamentan que se siga a xestionar a atención sanitaria pública a golpe de denuncias e ameazas . “ Sinxelamente vergoñento e ao noso entender constitúe corrupción sanitaria”- conclúe o portavoz da Plataforma.
Estiveron acompañados polas técnicas de xuventude Mónica López Sanjurjo e Silvia Rodríguez Barreiro, para gozar das diferentes piscinas e tobogáns deste parque acuático. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa Verán a Tope en Xove 2026.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
O evento, organizado pola Asociación Cultural Xuvenil O Castelo reuniu a numerosos veciños e visitantes e celebrouse durante catro días. A programación incluíu actuacións musicais, actos relixiosos, xogos tradicionais e unha comitiva da camións, coches e motocicletas que percorreron todas as parroquias deste concello mariñán.
Villares destacou que a Administración autonómica reafirma o seu compromiso con esta cita, adicada a enxalzar a calidade deste produto do mar e a poñer en valor o esforzo dos profesionais do sector. Así mesmo, subliñou a importancia das festas gastronómicas na promoción turística e na dinamización económica da zona.
Este lume comezou o pasado mércores ás 13,35 horas e afectou finalmente unha superficie de 31,5 hectáreas de monte arborado. Para a súa extinción mobilizáronse, en total, 2 técnicos, 13 axentes, 27 brigadas, 24 motobombas, 3 pas, 3 helicópteros e 2 avións. 
Félix Jorquera pasou polos micrófonos de RadioVoz no Barco Museo Boniteiro Virxe do Carme ao concelleiro de Mar, Ramiro Fernández; á presidenta de Ledicia (entidade organizadora), Rocío Rivera; ao presidente da Fedaración estatal de confraría de pescadores, Basilio Otero; ao xerente de Expomar, José Manuel González; ao membro de Fanto Fantini (entidade organizadora do Festival Osa do Mar), Diego Campo; á pregoeira Paula Jorge Hora; ao cociñeiro Bruno Pena e á alcaldesa e Presidenta da Deputación, Carmela López.
O obxectivo deste aviso é que a cidadanía coñeza esta circunstancia con antelación e, especialmente, que as persoas con sensibilidade aos ruídos, así como as persoas propietarias de animais de compañía, poidan adoptar as medidas que consideren oportunas. O Concello agradece a comprensión e a colaboración durante estes días de celebración.
