Ribadeo, 22 de xuño de 2018. Fin de semana intenso para o comercio e a hostalería ribadense co remate da campaña Acisa premia a túa fidelidade, que coincide ata o domingo con Os prezos arden. Ademais os nenos e nenas gozarán este sábado dun obradoiro infantil.
Acisa Ribadeo organiza mañá, sábado, un obradoiro de aprendizaxe sobre o comercio local dirixido a nenos e nenas a partir de 3 anos. A actividade, que será gratuíta e se desenvolverá de 11:30 a 14:00 horas, terá lugar no centro de ocio infantil Con Sentidiño, asociado a ACISA Ribadeo, na rúa Ramón González, 32-baixo.
O presidente de Acisa, Francisco Iriarte, subliña que “o obxectivo é ensinar aos máis pequenos a importancia de mercar no comercio local e as diferenzas que hai cando mercas no teu pobo con outras formas de comprar. Grazas aos profesionais do centro infantil, a actividade será moi dinámica, divertida e dará a oportunidade aos participantes de aprender moito sobre o comercio local”.
Esta actividade coincide coas dúas campañas que ten en marcha estes días Acisa Ribadeo. Desde hoxe e ata o domingo celébrase a segunda edición da campaña Os prezos arden na que participan 35 establecementos. Estes locais ofrecen interesantes promocións e descontos aos seus clientes que oscilarán entre o 10 e o 50%. E estamos tamén nas últimas xornadas da campaña Acisa premia a túa fidelidade, que rematará co sorteo de 600 euros en premios entre aquelas persoas que fixeran as súas compras nos establecementos asociados entre os días 1 e 25 de xuño. O primeiro premio será de 300 euros en vales de compra e haberá outros dous de 200 e 100 euros respectivamente.
Iriarte indica que “as papeletas que reparten os establecementos comerciais teñen que quedar neses locais para que o persoal de Acisa pase recollelas ao longo dos días 26 e 27 de xuño”. E xa o 28 será o sorteo non presencial. O seu resultado seralle comunicado por Acisa ás persoas afortunadas para que pasen a recoller os seus premios.
O presidente de Acisa lembra que “estamos nunha importante fin de semana para o comercio, pero tamén para a hostalería. Animamos a todo o mundo a celebrar a noite máxica de San Xoán como se merece, nas múltiples fogueiras que fan as asociacións ribadenses e a gozar despois da noite na hostalería asociada. Desexamos que esta benvida ao verán sexa moi especial”.
Estas campañas foron presentadas polo vicepresidente de Acisa, Juan Andina, e por Leopoldo Trénor, vogal do colectivo empresarial.
Traslado de sede
Acisa Ribadeo traslada a súa oficina a partires do vindeiro luns, 25 de xuño, á rúa Viejo Pancho, 13, en pleno casco histórico da localidade. O xerente, Jesús Pérez, explica que “atopámonos en pleno traslado. Agardamos estar traballando a pleno rendemento nesta nova ubicación a finais da vindeira semana”. E Francisco Iriarte destaca que “era vontade da nova directiva trasladarnos a un lugar máis céntrico e máis accesible tanto para os socios e socias, como para os clientes dos seus negocios ou mesmo para quen nos visita durante todo o ano, porque en ocasións tamén facemos labor de promoción e información sobre hoteis e restaurantes. Hai xente que se achega a nós en demanda de datos sobre lugares nos que poder durmir ou comer”.
O presidente de Acisa engade que “o obxectivo deste cambio é mellorar o servizo que prestamos e estar máis preto da rúa e da xente”. O noso horario seguirá a ser o mesmo ao igual que o noso correo electrónico e o noso teléfono 982 120 565.
Neste espazo radiofónico Félix Jorquera falará coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá.
As fotografías empregadas serán de uso interno e non se publicarán nin compartirán en redes sociais nin en internet. A actividade está aberta tamén a nenos e nenas doutros concellos.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
A programación do último trimestre inclúe Maiores con Arte, Moito máis que café, Entre risas e animación domiciliaria. Tras os obradoiros iniciados en maio, o Concello mantén o contacto cos participantes e leva as propostas ás asociacións para facilitar novas incorporacións. Na presentación explicaranse as formas de participación e os servizos dispoñibles. O programa conta co apoio da Consellería de Dereitos Sociais e Benestar do Principado de Asturias.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
