Burela, 27 de xuño de 2018. O Concello ofreceu esta mañá unha recepción aos xuvenís do Burela FS, que veñen de proclamarse campións da Copa Galicia. O concelleiro de Deportes, Ramiro Fernández Rey, subliña o bo momento polo que atravesa o deporte burelés e anima a todos os equipos a seguir traballando nesta liña para colleitar novos éxitos deportivos.
O edil burelés salientou que “os xuvenís do Burela FS veñen de proclamarse campións na copa galega de fútbol sala da súa categoría, aquí en Burela precisamente. Para nosoutros é unha honra este tipo de actos que non son máis que un recoñecemento a todo ese traballo, que tanto xogadores como adestradores e directivas dos clubs veñen facendo”.
Ramiro Fernández Rey lembrou que “este ano foi moi positivo para o deporte en Burela. Conseguimos que ascendera o Burela de fútbol, o Club Baloncesto Burela tamén tivo moitos éxitos nas súas categorías, e o Burela FS estivo ás portas do ascenso á categoría absoluta. Para nós a satisfacción máis grande que temos é ver triunfar, sobre todo ás categorías base, xa que son veciños do noso pobo e é un orgullo para nosoutros que consigan éxitos deportivos”.
O concelleiro de Deportes dixo que “esperemos que o ano que ven sexa tan produtivo como este, aínda que vai ser complicado, e desexarlles unhas boas vacacións a todos os xogadores e xogadoras e que para o ano comecen con enerxía e forza para seguir acadando premios e trofeos para os seus clubs, e evidentemente que redunde tamén no concello de Burela”.
Fernández Rey engadiu que “imos seguir apoiando, como fixemos ata agora, todo o deporte de Burela. Multiplicamos case polo dobre as axudas que se daban aos clubs, estamos traballando intensamente na mellora das instalacións deportivas, e esperamos que esa colaboración que está habendo con todos os clubs e con todas as entidades deportivas do concello siga manténdose para seguir traballando man a man na mellora do deporte en Burela”.
Presidiron a recepción ofrecida esta mañá no Concello o alcalde, Alfredo Llano, e o concelleiro de Deportes, Ramiro Fernández Rey.
O Concello ofreceu unha recepción ao equipo xuveil do Burela FS tras proclamarse campión da Copa Galicia de fútbol sala
Relacionado
A restrición de circulación manterase durante a xornada mentres se desenvolvan os labores, que teñen como obxectivo garantir a seguridade viaria e facilitar a execución dos traballos. Durante este tempo, as persoas que necesiten acceder ás zonas de Santo Albites, Pénjamo ou San Lázaro deberán facelo polo acceso de Río dos Foles. O Concello de Viveiro agradece a comprensión da veciñanza e recomenda extremar a precaución e seguir a sinalización habilitada mentres duren os traballos.
Félix Jorquera pasará polos micrófonos de RadioVoz ao concelleiro de Mar, Ramiro Fernández; á presidenta de Ledicia (entidade organizadora), Rocío Rivera; ao presidente da Fedaración estatal de confraría de pescadores, Basilio Otero; ao xerente de Expomar, José Manuel González; ao membro de Fanto Fantini (entidade organizadora do Festival Osa do Mar), Diego Campo; á pregoeira Paula Jorge Hora; ao cociñeiro Bruno Pena e á alcaldesa e Presidenta da Deputación, Carmela López.
Comezou o mércores ás 13,35 horas e para a súa extinción mobilizáronse, ata o de agora, 2 técnicos, 10 axentes, 20 brigadas, 17 motobombas, 3 pas, 3 helicópteros e 2 avións. 
O obxectivo deste aviso é que a cidadanía coñeza esta circunstancia con antelación e, especialmente, que as persoas con sensibilidade aos ruídos, así como as persoas propietarias de animais de compañía, poidan adoptar as medidas que consideren oportunas. O Concello agradece a comprensión e a colaboración durante estes días de celebración.
A obra, dirixida por Pepablo Patinho e preparada por rapaces de 10 a 14 anos ao longo do curso, servirá de antesala ao certame e permitirá visibilizar o labor formativo da Escola e o compromiso de Cariño co teatro desde idades temperás. O Concello anima á veciñanza e visitantes a asistir a esta cita que marca o inicio dunha nova edición na que o teatro volverá situar a vila como referente cultural galego.
O acto terá lugar ás 18:30 no paseo da Dársena, onde se instalará un hito que lembra a súa distinción como Fillo Predilecto de Navia. Tamén se descubrirá a placa dos gañadores absolutos da LXVII edición do Descenso, celebrada en 2025. “Moreno”, falecido en 2023, dedicou máis de seis décadas a impulsar esta cita deportiva, converténdoa nun referente nacional e internacional. A alcaldesa, Ana Isabel Fernández, destacou que foi “a alma máter do Descenso” e convidou á veciñanza e participantes a asistir ao acto de recoñecemento.
Autoridades autonómicas, municipais e representantes da Apehl acompañaron o anuncio. O estand da marca estará na zona VIP da saída de cada etapa, onde se ofrecerán petiscos con produtos lucenses e material promocional, incluída a guía turístico-gastronómica. Cheché Real destacou a continuidade do proxecto e agradeceu o apoio institucional. A acción conta coa colaboración de numerosos consellos reguladores, entidades agroalimentarias e empresas da provincia.
