Ribadeo, 5 de xullo de 2017. Arrincou este xoves, unha nova edición de Construíndo o verán, o programa de reforzo escolar que organiza a Concellaría de Servizos Sociosanitarios e que se leva a cabo nas instalacións do edificio da Escola Oficial de Idiomas de Ribadeo, “que nos cedeu unha aula”, segundo explicou Sonia Meilán.
A edil ribadense contou que “un equipo de voluntarias encargaranse de prestar un reforzo escolar durante a estación estival a uns quince nenos e nenas de primaria”.
Sonia Meilán aproveitou para agradecer “o traballo das voluntarias e animar a aquela xente que queira sumarse a colaborar con este proxecto a que o fagan, aínda están a tempo. Sen o traballo das voluntarios esta actividade non podería levarse adiante”.
Este reforzo escolar, que leva varios anos realizándose co impulso do Concello de Ribadeo, desenrolase dous días á semana. Será os martes e xoves de 10:00 a 11:30 horas durante os meses de xullo e agosto.
ÚLTIMA HORA
- Este xoves, 27 de agosto, dentro do programa Verán na Praza, volve a Lourenzá o Mago Antón, que chegará coa súa xira 50, coa que celebra os seus cincuenta anos de carreira artística
- O Concello de Viveiro solicita a colaboración cidadá para a correcta xestión dos residuos da Romaría do Naseiro
- Tapia de Casariego dálle a benvida a unha nova edición da Feira Campomar con récord de stands participantes
- Ribadeo despedirá o verán cun Guateque dos anos 60 no Parque de San Francisco
- Este xoves, 27 de agosto, dentro do programa Verán na Praza, volve a Lourenzá o Mago Antón, que chegará coa súa xira 50, coa que celebra os seus cincuenta anos de carreira artística
Esta actividade, organizada polo Concello de Lourenzá, será na praza César Chavarría Pacio e haberá tres funcións: ás 13:00, ás 18:30 e ás 20:00 horas. A entrada é de balde por orde de chegada ata completar aforo. A alcaldesa de Lourenzá, Rocío López, destaca que “a maxia é unha desas propostas que sempre ten unha acollida moi especial en Lourenzá. Gusta aos pequenos, pero tamén consegue sorprender e ilusionar aos maiores, converténdose nun plan perfecto para gozar en familia”. - A Presidenta da Deputación de Lugo, Carmela López, participou na última xornada da XXXIV Festa da Malla de Meira, que reuniu milleiros de persoas e está recoñecida como Festa de Interese Turístico de Galicia
Xunto a autoridades locais, destacou a importancia de preservar as tradicións e lembrou que a Deputación destinou este ano 400.000 € ao Concello para servizos básicos. A festa, creada en 1992 e impulsada pola Asociación de Amigos da Malla, busca recuperar e poñer en valor este oficio tradicional. A programación incluíu documental, obradoiros, música, exposicións de maquinaria antiga e actividades para nenos. - Desde o Concello de Ribadeo agradecen ás Vacas Fracas a organización da Cedofestiña: evento que este ano estivo dedicado ás artes plásticas, cun mural colectivo, exposicións e un concurso de pintura, sen deixar de lado a música e outros obradoiros”
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas. - María Palmira Martínez Rouco celebrou en Sumoas, no concello de Xove, o seu 100 aniversario acompañada pola súa familia
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos. - Preto dunha vintena de comercios asociados a Acisa Ribadeo participaron ata este domingo, nunha nova edición do Comercio na Rúa
A clientela aproveitou esta cita para facerse con artigos de tempada a prezos moi interesantes. É a segunda vez neste mes de agosto que se celebrou o Comercio na Rúa en Ribadeo. Para a organización desta campaña Acisa contou coa colaboración do Concello de Ribadeo, Comercio Galego e Xunta de Galicia. - O delegado territorial da Xunta en Lugo, Alfonso Villares, participou este martes en Ribadeo nos actos conmemorativos do centenario do nacemento de Leopoldo Calvo-Sotelo, organizados polo Concello ao longo deste ano para lembrar a figura do que foi presidente do Goberno e a súa especial vinculación coa vila mariñá
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas. - O pasado venres, 14 de agosto, presentouse no Local Social da Praza Concepción Arenal de Ferreira do Valadouro o libro 'Espiritualidad', coordinado e redactado por Pepe Peinó e no que colaboran outros sete autores de distintas correntes espirituais
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
2021 Crónica 3 A Mariña - Implementado por GaliciaDigital