BURELA (FNC) .- O Concello leva aos centros de educación primaria a campaña de recollida selectiva que deu comezo nos supermercados durante o Nadal. O alcalde, Alfredo Llano, e a concelleira de Medio Ambiente, Lucía Bouza visitaron esta mañá os colexios.
A edil socialista contou que “o alcalde e máis eu estivemos nos colexios de primaria do concello para continuar coa campaña de recollida selectiva que iniciamos no pasado Nadal. Estivemos a repartir as bolsas que adquirimos desde o Concello para separar correctamente os residuos e nos dous colexios os profesores traballarán cos nenos en cada aula axudándolles a separar o lixo de xeito correcto”. Bouza anunciou que “continuaremos tamén a campaña de educación secundaria máis adiante e agardamos que teña tan boa acollida como tivo no Nadal. Desde logo que os colexios sempre son moi receptivos a este tipo de campañas, eles mesmos estaban a piques de iniciar pola súa conta algo semellante e recibiron con moi boa acollida a participación do Concello, por eso tamén lles estamos moi agradecidos, ademais os nenos e as nenas de Burela son moi receptivos para recibir esta educación medio ambiental”.
Haití
A tamén concelleira de Educación agradeceu “a todos aqueles que se implicaron no festival que se celebrou o pasado sábado en Burela para recadar fondos para Haití. Primeiro quero agradecer a todas as agrupacións que decidiron participar nesta cita: Ledicia, Dambara, Batuko Tabanka, a Burela Blues Banda, a Banda e a Coral de Burela. Tamén quero destacar que foi unha ocasión única xa que nunca en Burela puidéramos asistir a un concerto no que participaran todas as agrupacións musicais do concello xuntas nun mesmo festival. Foi unha ocasión especial que tivemos para velos”. Lucía Bouza tamén agradeceu a asistencia do público que “se achegou para colaborar con esta causa. Os fondos que se recadaron foron 1.160 euros, é unha cantidade bastante humilde posto que a entrada tamén tiña un prezo simbólico, pero entre todos os que vaiamos aportando estas cantidades poderemos axudar a este pobo que tanto está a sufrir neste momento”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
