Na avenida de Asturias, número 11, de Ribadeo, reabre este mércores, un establecemento hostaleiro histórico na vila ribadense: o café bar Madison. Nesta nova etapa o xerente é Javier González Barcía, tamén coñecido como Javi Tattoo. A inauguración será a partir das 20:00 horas e incluirá unha degustación gratuíta de bebida e tapas para os clientes. O novo Madison disporá de tres pantallas de tv, unha delas xigante, para que os clientes poidan gozar ao grande dos principais acontecementos deportivos. Abrirá todos os días ás 08:00 horas, estará atendido por persoal con ampla experiencia en hostalería e ofrecerá almorzos, tapas, racións e bocadillos, ademais dunha gran variedade de bebidas.
Reabre este mércores en Ribadeo o café bar Madison con nova xerencia, a cargo de Javier González Barcia
Relacionado
-
A Feira do Libro de Foz acollerá este domingo 23 de agosto de 2026, ás 21:00 horas na Praza de Conde Fontao, a presentación do libro ‘Eu voun navegar (Relatos dunha noite de verán)’, escrito por Farruco Graña e ilustrado por Mon Lendoiro
-
A igrexa parroquial de Ribadeo encheuse este domingo para desfrutar do concerto ofrecido por Carlos Núñez
-
O pasado venres, 14 de agosto, presentouse no Local Social da Praza Concepción Arenal de Ferreira do Valadouro o libro ‘Espiritualidad’, coordinado e redactado por Pepe Peinó e no que colaboran outros sete autores de distintas correntes espirituais
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
