Lugo, 7 de setembro de 2018. A TIC da Deputación ofrece 1.165 prazas nos 87 cursos e obradoiros que impartirá na sede do InLugo no último trimestre de 2018, ás que haberá que sumar o número de veciños que participen nos cursos cos que se achegarán as novas tecnoloxías ao rural. Así o anunciou este venres o Presidente da TIC e da Deputación, Darío Campos Conde, na presentación da nova programación, para a que xa está aberto o prazo de inscrición en www.fundaciontic.org, www.deputacionlugo.gal ou no teléfono 982 225 186.
Campos Conde, que estivo acompañado pola Alcaldesa de Lugo, Lara Méndez López, e o patrón da TIC e Deputado de Relacións Institucionais, Álvaro Santos Ramos, dixo que “desde o Goberno da Deputación apostamos un trimestre máis polo fomento do uso das novas tecnoloxías entre os lucenses de máis de 55 anos porque cremos firmemente na súa utilidade como unha ferramenta que axuda a mellorar a calidade de vida das persoas maiores”.
Éxito dos cursos no rural
O máximo responsable provincial anunciou que “esta tempada volveremos desprazarnos pola provincia, logo do éxito rotundo dos cursos que se impartiron en diversos Concellos no anterior trimestre”. Nesta ocasión, as accións formativas levaranse a cabo nas últimas semanas de setembro e outubro.
“Para min é moi gratificante comprobar como os maiores do rural se animan cada vez máis a manexar o móbil e o ordenador. Tanto a Internet como diversas aplicacións son especialmente útiles para as persoas que viven soas ou en localidades dispersas, unha situación na que están moitos lucenses maiores. Por iso, nesta edición achegaremos de novo as novas tecnoloxías aos veciños do rural para que non teñan que desprazarse do seu municipio de residencia”, apuntou Campos Conde.
Novidades do trimestre
O Presidente da TIC avanzou que “este trimestre haberá varias novidades, co obxectivo de atender as demandas dos usuarios e actualizar coñecementos xa que, no caso da novas tecnoloxías, os contidos cambian con moita rapidez”. Nesta tempada haberá, por exemplo, un segundo nivel de Internet para buscas máis avanzadas e obradoiros de pedidos por Internet, cambio de contrasinais e copias de arquivos. Tamén haberá por primeira vez un curso de retoque e composición de fotografía en ordenador, que se suma ao que xa hai no móbil.
Ademais, atendendo ás demandas dos usuarios, incrementarase o número de talleres de memoria, entre os que haberá un coa consola Xbox, e dentro da programación habitual terán moito peso os cursos de móbil e de aplicacións como Facebook, Instagram ou Whatsapp, cun gran número de seguidores.
Inscricións
O Presidente provincial aconsellou ás persoas interesadas en participar nestas accións formativas a que se apunten canto antes, xa que as prazas quedan cubertas habitualmente ás poucas horas da apertura de prazo de inscrición.
Este mércores, 9 de xullo, a partir das 12h o Concello organiza unha excursión en kayak desde o porto de O Vicedo ata o Río Sor. Trátase dunha excursión dunhas 2 horas onde se fai un percorrido fantástico cruzando a ría para emprender a subida polo río Sor, pasando por debaixo das pontes sobre o río, Illa de S. Martín, Negradas e rematando na contorna de Ribeiras do Sor. Unha actividade para todas as idades que ten un custe de 20 € por persoa. Inclúe materiais e transporte de regreso desde Ribeiras do Sor ata o Porto do Vicedo. Inscricións no 982 59 01 95 en horario de mañá e tarde.
O Club Shitokai Galicia A Mariña presentou a catro aspirantes que resultaron aprobados: Carlos Fernández e Elena Dovale: 2º Dan (coa inestimable colaboración de Alejandra Gómez nos traballos técnicos por parellas). Gael Álvarez e Cristian Rancaño: Cinto Negro. Con estes resultados alcanzaron xa a cifra de 160 Cintos Negros Oficiais RFEK recoñecidos por CSD. A destacar o magnífico traballo realizado por todos os aspirantes.
Nada se puido facer por salvarlle a vida. O 112 Galicia foi coñecedor deste suceso uns vinte minutos antes das 14:00 horas deste domingo, momento no que un coche e unha moto colidiron, co motorista inconsciente logo do impacto. Desde o CIAE 112 Galicia solicitouse a intervención do Servizo de Urxencias Sanitarias de Galicia-061, do GES de Ortigueira, da Garda Civil de Tráfico e da Policía Local. Os medios acudiron ata o punto, no quilómetro 49 da AC-862, pero só puideron confirmar o falecemento do motorista.
Entregaron os agasallos a edil de Medio Ambiente, Mali Méndez, e o concelleiro Alfredo Fernández. 1º Premio: Banco de Loiba, de Diego Pérez Dopico. 2º Premio: Bolboretas: sementadoras de vida, de Germán Paleo Navarro e Paz, de Marcial Fernández. TOP CERVO: Ruínas, de Consuelo Fra Fernández e Paz, de Marcial Fernández. Mención especial para Adaoemam A Mariña "por ser sempre tan participativa en todas cantas iniciativas se promoven desde o Concello".
Este 5 de xullo, como todos os primeiros sábados de mes, reclamaron unha vez máis unhas pensións dignas.
Á cita acudiron máis dun centenar de persoas. No espectáculo, que atraeu a un numeroso público, realizouse unha viaxe emocional pola historia do mar galego, fiado a través de relatos reais e cantigas populares interpretadas en directo. A obra recupera vivencias de naufraxios na Costa da Morte, rendendo homenaxe tanto a quen perdeu a vida no mar como a quen quedou en terra: viúvas, orfos e persoas que prestaron auxilio, co obxectivo de que as súas historias non caian no esquecemento.
Resultaron gañadores na Categoría SUB 15: Los Reversos. Categoría Sénior: Doloringues. Entregaron as medallas os edís Alfredo Fernández e Adrián Arias. As actividades seguen o martes, 8 de xullo, coas Noites de Fútbol Praia.
