Alfoz 8-9-18. A Anpa do CEIP Castro de Ouro de Alfoz decidiu facerse cargo do banco de libros que no ano anterior xestionara o concello, asumindo os custes dos libros de texto para os socios da mesma. A decisión foi tomada debido a que o Concello de Alfoz non se fará cargo este ano do banco de libros por supostos “problemas técnicos”. Desde a Anpa indican que noutros concellos están a asumir este gasto e “nós debemos loitar por que perviva o noso centro” polo que “asumiremos o gasto para que as nosas familias estean en igualdade de condicións respecto a outros centros” indica Fernanda Casabella, presidenta da Anpa. Desde o colectivo informarán aos socios dos libros incluídos no banco. Ademais, indican que co inicio do curso se fará unha asemblea de socios na que se tratará, entre outros temas, a renovación da xunta directiva.
ÚLTIMA HORA
- Arde o salón dunha vivenda en Ribadeo por culpa dunha manta eléctrica
- Os socialistas de Xove destacan a inversión da Deputación nas melloras viarias do municipio
- Ribadeo vibra cun sábado de feiras, festas e encontros gastronómicos
- Arcayürek e Heide clausuran o XIII Festival Bal y Gay cun Schubert inesquecible na Basílica de San Martiño
- Preto dunha vintena de comercios asociados a Acisa Ribadeo participan ata este domingo, nunha nova edición do Comercio na Rúa
A clientela aproveita esta cita para facerse con artigos de tempada a prezos moi interesantes. É a segunda vez neste mes de agosto que se celebra o Comercio na Rúa en Ribadeo. Para a organización desta campaña Acisa conta coa colaboración do Concello de Ribadeo, Comercio Galego e Xunta de Galicia. - María Palmira Martínez Rouco celebrou en Sumoas, no concello de Xove, o seu 100 aniversario acompañada pola súa familia
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos. - A Feira do Libro de Foz acollerá este domingo 23 de agosto de 2026, ás 21:00 horas na Praza de Conde Fontao, a presentación do libro 'Eu voun navegar (Relatos dunha noite de verán)', escrito por Farruco Graña e ilustrado por Mon Lendoiro
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz. - O delegado territorial da Xunta en Lugo, Alfonso Villares, participou este martes en Ribadeo nos actos conmemorativos do centenario do nacemento de Leopoldo Calvo-Sotelo, organizados polo Concello ao longo deste ano para lembrar a figura do que foi presidente do Goberno e a súa especial vinculación coa vila mariñá
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas. - O pasado venres, 14 de agosto, presentouse no Local Social da Praza Concepción Arenal de Ferreira do Valadouro o libro 'Espiritualidad', coordinado e redactado por Pepe Peinó e no que colaboran outros sete autores de distintas correntes espirituais
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto. - A igrexa parroquial de Ribadeo encheuse o pasado domingo, 16 de agosto, para desfrutar do concerto ofrecido por Carlos Núñez
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo. - Preto de sesenta persoas da Mariña nadas en 1976 reuníronse este sábado, 15 de agosto, nun xantar en La Urbana, en Burela
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
2021 Crónica 3 A Mariña - Implementado por GaliciaDigital