O Valadouro 7-9-18. Éxito completo sen excepcións na Semana do Teatro que promove a Delegación de Cultura do Concello do Valadouro liderado polo edil nacionalista Eduardo Chao e n colaboración co Plan Único da Deputación de Lugo. Arredor de 1500 persoas foron o público que encheu e desbordou as previsións de aforo do Salón de Actos da Casa da Cultura Manuel Lourenzo en Ferreira de Valadouro.
Sorprendentes, pola súa novidade e porque eran as primeiras funcións, o grupo Bule Bule fusión-teatro coa obra “Xente con xente” . Esta agrupación é o resultado de unir a membros do grupo teatral Raiolas de Alfoz con actores procedentes de os Trangalleiros de Lourenza.
Un caso moi semellante en canto a elevar as expectativas creadas foi a asociación Os pícaros de Lagoa que a integraban homes e mulleres afeccionados ao teatro procedentes da alfocense parroquia de Lagoa e encabezados polo veterano e incomparable Cachín, cara habitual en varias formacións da bisbarra. A súa proposta foi Azoreira, República independente que deixou moi bon sabor no patio de butacas de Ferreira.
Un dos convidados estrela a esta semana, foi o Colectivo Cultural Ollomao de Barreiros coa súa peza Enciclopedia Álvarez, unha crítica e recreación humorística da educación escolar na época do franquismo. Unha obra que chegaba por primeira vez a Valadouro despois dunha ampla xira por diferentes localidades e precedida de inmellorables referencias de crítica e público que se viron confirmadas este pasado mércores coa longas aclamacións e aplausos da xente congregada na sala.
Por último dous grupos que teñen como denominador común a dirección de o laborioso e polifacético Francisco Piñeiro que se desdobla ao frente de O Bordelo de Cervo e Adala de Fazouro.
Ambos elencos son unha aposta segura de emoción e risas ante un público de valadouro que sempre conta entre os seus favoritos o traballo destes teatreiros ao longo xa de moitas edicións da Semana do Teatro de Valadouro.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
A clientela aproveita esta cita para facerse con artigos de tempada a prezos moi interesantes. É a segunda vez neste mes de agosto que se celebra o Comercio na Rúa en Ribadeo. Para a organización desta campaña Acisa conta coa colaboración do Concello de Ribadeo, Comercio Galego e Xunta de Galicia.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
