Lugo, 7 de novembro de 2018.- O Secretario Xeral do PSOE na Provincia de Lugo, Álvaro Santos Ramos, informou este mércores sobre a celebración de 7 Encontros Comarcais Participativos, nos que todos os militantes do partido poderán abordar o conxunto de iniciativas que demandan os seus veciños nos 67 Concellos da provincia e ás que o PP dende a Xunta non quere dar resposta. “Entre todos os compañeiros faremos unha minuciosa análise das necesidades dos lucenses nos seus respectivos municipios e dos proxectos que se requiren para satisfacelas, que non se contemplan no Orzamento autonómico de 2019 para Lugo. Farémolo de cara a elaboración de emendas”, explicou Santo Ramos.
“Temos comprobado que todos os anos o PP na Xunta inclúe distintas partidas para uns poucos proxectos na provincia, que non chegaron a executarse. A situación repítese ano tras ano: mesmas iniciativas con distinto orzamento, que nunca se materializan. A maiores, compañeiros e veciños en xeral botan en falta outras moitas iniciativas non seus Concellos, que os populares prometeron en visitas ou campañas electorais e que nunca se soubo nada máis delas”.
“Os socialistas queremos uns orzamentos xustos e equitativos en Lugo, a provincia sempre maltratada polo Partido Popular, que reiteradamente ten demostrado que trata aos lucenses como cidadáns de segunda ou terceira, sendo xa moi grave que estableza categorías ou distinción algunha entre cidadáns. Os lucenses tamén somos galegos, pagamos os nosos impostos e temos os mesmo dereitos que os veciños das restantes provincias”.
“Queremos uns presupostos nos que os lucenses contemos e nos que non se nos discrimine, xa non por vivir en Lugo, senón por facelo nun Concello ou noutro, unha concreta Comarca, como por exemplo a Montaña, que sempre foi e segue a ser a grande marxinada polo PP. Somos unha provincia rural, moi envellecida e cunha ampla dispersión xeográfica. Necesitamos servizos públicos de calidade para poder vivir con dignidade en cada un dos núcleos, parroquias ou municipios lucenses”.
“Estudaremos todas as nosas necesidades veciñais ás que ten que dar resposta a Xunta de Galicia por lei, porque é a administración galega coas competencias. Como partido dos veciños, defenderemos cada unha dela mediante a elaboración de emendas ao Orzamento autonómico para 2019 e empregando todas as posibilidades institucionais coas que contamos”, salientou.
7 Encontros Comarcais Participativos
Son 7 Encontros Comarcais Participativos, aos que están convocados os máis de 2.000 militantes do Partido Socialista na Provincia de Lugo. Na Comarca de Lugo, terá lugar capital lucense o 8 de novembro; na Comarca da Terra Chá, en Vilalba o 8 de novembro; Comarca da Montaña, na Fonsagrada o 9 de novembro; na Comarca da Mariña, en Foz o 10 de novembro; Comarca de Lemos, en Monforte o 10 de novembro; na Comarca do Suroeste, en Chantada o 9 de novembro; e na Comarca de Sarria, na localidade sarriana o 12 de novembro.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
Subliñou o traballo colectivo, o papel do voluntariado e a participación de arredor de mil corredores. Tamén puxo en valor o impacto económico e social da proba e o apoio institucional que permite o seu crecemento, incluída a difusión en streaming que levou a CAMOVI e a Viveiro a todo o mundo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
Viveiro, 20 de abril, 2026. A proba volveu converter Viveiro nun punto destacado do deporte e da convivencia, ademais de supoñer un impulso económico para o municipio. María Loureiro destacou que a Camovi “é un exemplo de colaboración e esforzo colectivo, que sitúa Viveiro no mapa e dinamiza a economía local”. O Partido Socialista lembra o seu apoio histórico á carreira e reafirma o seu compromiso para seguir contribuíndo ao seu crecemento. O PSOE agradece tamén á veciñanza a súa acollida e implicación, fundamentais para que o evento continúe medrando ano tras ano.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
