A MARIÑA .- Responsables do SLG indicaron en rolda de prensa que “o señor Lence non terá argumentos para suspender a recollida, pero o sector lácteo non vai ceder ás chantaxes”.... Ler máis
ÚLTIMA HORA
- “As declaracións de Tomé sobre a repaso electoral evidencian o seu nerviosismo ante a manobra interna dos seus para quitarlle o sillón de San Marcos”, afirman dende o PP
- Entregados os premios a@s gañador@s do Certame de Narración e Debuxo Infantil Letras Galegas 2023 na súa fase local de Ribadeo
- Tomé: “A Deputación seguirá tendo un goberno progresista”
- Proxección do documental ‘Ecos da Galerna do 61’, este sábado no Valadouro
- O colexio Sagrado Corazón, de Ribadeo, celebrou este venres unha cerimonia de graduación para os 31 alumn@s que rematan este curso sexto de Educación Infantil
O acto consistiu na proxección dun vídeo con fotos da súa etapa en Infantil e despois de que lles impuxeran o birrete entregáronlles diploma e orla para rematar cantando unha canción. As súas titoras e titor -Judit, Mar e Jacob- destacaron o traballo deste alumnado que para setembro xa será de Primaria e desexáronlles sorte na nova etapa. - A Escola Municipal de Música de Xove ofrece, de xeito gratuíto, o Obradoiro de iniciación musical, que se levará a cabo durante o mes de xuño
Este obradoiro terá duración de catro sesións e realizaranse nas instalacións da Escola Municipal de Música, en Palmeiro. Está destinado a todos os rapaces dende primeiro de primaria en diante que lles guste a música. Poderán utilizar o instrumental do que dispón a Escola de Música. Para inscribirse terán que cumprimentar unha folla de inscrición, e entregala presencialmente na Escola de Música o primeiro día do taller. O obradoiro realizarase os sábados 3, 10, 17 e 24 de xuño en horario de 11:00 a 12:00 h, finalizando a actividade coa participación conxunta no Concerto de Fin de Curso da escola de Música. - A Garda Civil detivo aos presuntos autores dun delito de lesións en Trabada
Os feitos transcorreron no marco dunha festa na localidade mariñá, onde se producira unha agresión de diversa consideración a dúas persoas de orixe caboverdiano e paquistaní. A Garda Civil detivo a dous veciños deste concello, de 33 e 44 anos de idade, como supostos autores deste delito de lesións. A investigación policial continúa aberta non descartando novas detencións. - O Colexio Martínez Otero de Foz vén de acadar un recoñecemento que a Mutua colaboradora coa Seguridade Social, Fraternidad-Muprespa, lle otorga pola súa labor en materia de prevención e benestar laboral
Nestes tempos en que todos os indicadores apuntan a un aumento dos accidentes de traballo e, polo tanto, a un repunte da siniestralidade laboral, é un orgullo para o centro poder contar con este distintivo que, por desgraza, moi poucas empresas acadan. "Desde o Martínez Otero continuaremos traballando nesta liña de prevención da saúde física, mental e social que tantas veces pasa desapercibida e que nós consideramos de vital importancia". - A escola infantil municipal de Cervo celebrou a Festa dos Maios
Os pequenos e pequenas celebraron a primavera a través desta festa popular de exaltación da natureza e desfrutaron dunha divertida merenda ao aire libre.
Adxuntamos foto. - Exhibición de karate do Club Shitokai A Mariña Asturias
Será este sábado, 3 de xuño, no polideportivo do Colexio El Pilar, de Foz. Hai rexistrados máis de 80 participantes de Galicia e Asturias. - O Concello de Viveiro informa da publicación do listado provisional de admitidos na Escola Infantil Municipal para o vindeiro curso 2023-2024
As persoas interesadas poden consultar o listado na propia Escola Infantil Municipal ou no departamento municipal de Servizos Sociais. O prazo de alegacións remata o 7 de xuño e o prazo de formalización de matrícula é do 8 ao 23 de xuño.
2021 Crónica 3 A Mariña - Implementado por GaliciaDigital