A Xunta de Galicia en colaboración coa concellaría de Cultura e Xuventude do Concello desenvolve en Cervo a programación cultural ESPAZOS SONOROS
Nota de prensa:
O QUINTETO “NUESTRO TIEMPO” INTERPRETARÁ MUSICALMENTE OS TANGOS MÁIS SALIENTABLES DO XENIAL COMPOSITOR ASTOR PIAZOLLA
Será as 20 horas no Museo Histórico sede do Real Patronato de Sargadelos.
Cervo, 28 octubre de 2010.- Mañá venres, 29 de outubro, a partires das 20.00h. a Casa da Administración de Sargadelos acollerá unha nova actuación musical programada dentro do festival “Espazos Sonoros” organizado pola Xunta de Galicia en colaboración coa concellaría de Cultura e Xuventude do Concello de Cervo
Nesta ocasión será o quinteto “Nuestro Tiempo” especializado en tango contemporáneo, sobre todo en obras compostas por Astor Piazzola, un dos músicos de tango máis celebres do mundo, sen dúbida o gran mestre do xénero. Nas súas actuacións o quinteto tamén inclúe obras de Tango Clásico.
O quinteto está formado por:
Matías González – Bandoneón
Beira Pavlova – Piano
Marcelo González – Violín
Romain Lecuyer – Contrabaixo
Guillermo Bazzola – Guitarra eléctrica
Debido ao gran éxito que teñen nas súas presentacións deciden formar o quinteto, co fin de interpretar a música de Astor Piazzolla segundo as súas partituras orixinais. Trátase en todos os casos de músicos cunha ampla formación, na maioría dos casos clásica e cunha gran experiencia en numerosas agrupacións.
Astor Piazzolla (1921 ? 1992) non é só o músico de tango máis soado no mundo, senón tamén un compositor cultivado por notables concertistas, músicos de jazz, conxuntos de cámara e orquestras sinfónicas de todo o planeta. É posible que leve ao tango ata os seus límites, tan lonxe -esteticamente falando- que moitos tanguistas non tiveron a capacidade de acompañalo nin de entendelo. Aos que si o seguiron, e aos que viñeron despois, legoulles o difícil problema de subtraerse, aínda que sexa en parte, da súa influencia e de atopar un novo rumbo logo da súa obra.
Ao longo da súa traxectoria, *Piazzolla tivo numerosas formacións, con todo foi a do quinteto a que representou á perfección a síntese da súa arte. Con todo, a pesar do furor por esta música case ninguén o fai respectando o formato orixinal da súa música para quinteto.
Esta será a última cita da programación 2010 do progama “Espazos Sonoros”.
A representación terá lugar este sábado día 18, ás 19:30 horas, no local social da Asociación de Veciños de Marzán, un dos destinos habituais nas xiras anuais da compañía. O Centiño mantén así a tradición de visitar este espazo, onde agarda compartir co público unha tarde divertida e chea de humor. A agrupación teatral continúa así coa difusión da súa nova obra, que segue a percorrer diferentes escenarios da comarca.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o vindeiro domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este mediodía o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
As persoas interesadas poden anotarse ata o 24 de abril na Casa do Concello (Cervo) ou na Casa da Cultura (San Cibrao). A actividade está dirixida a persoas pensionistas empadroadas no municipio. Trátase dunha xornada pensada para compartir, celebrar e desfrutar en comunidade.
