22 de Maio de 2019

Correo | Favoritos  | Imprimir   

O PP avoga en Lugo pola tolerancia cero contra a violencia de xénero

25-11-10

Nota e prensa

O PP avoga pola tolerancia cero contra a violencia de xénero

Lugo, a 25 de novembro de 2010.- O Partido Popular de Lugo sumouse hoxe ó Día internacional contra a violencia de xénero cun reparto de lazos entre os viandantes. Un acto sinxelo co que os populares lucenses quixeron salientar que é cousa de todos loitar contra a lacra social na que se convertiu a violencia exercida contra as mulleres e que para facelo e acadar a súa definitiva erradicación, é preciso e fundamental que todos nos concienciemos da gravidade do problema e actuemos en consecuencia.

Os presidentes provincial e local dos populares, José Manuel Barreiro e Jaime Castiñeira, entre outros representantes do partido que participaron no reparto, avogaron pola aplicación da tolerancia cero contra este tipo de compartamentos. Salientaron neste contexto que o obxectivo último non pode ser outro que eliminar do calendario este día adicado á loita contra a violencia de xénero porque eso significará que veradeiramente gañamos á batalla contra este tipo de actitudes que non poden ter cabida na nosa sociedade.

Neste contexto insistiron en que por moito que as institucións poñan en marcha mecanismos encamiñados a perseguir ós executores da violencia e a protexer ás víctimas, será imposible gañar con rotundidade e de xeito definitivo esta batalla se a concienciación e a implicación social non é absoluta. Avogaron, por tanto, pola tolerancia cero contra a violencia de xénero.

Website Pin Facebook Twitter Myspace Friendfeed Technorati del.icio.us Digg Google StumbleUpon Premium Responsive