Rosana Pérez denunciou o bloqueo do decreto de artes e aparellos e reclama a implicación real do sector na elaboración das novas normas
Santiago de Compostela, 1 de xullo de 2025. A deputada do Bloque Nacionalista Galego, Rosana Pérez, reclamou este martes na Comisión 8ª de Pesca e Marisqueo do Parlamento galego que a Xunta poña fin á parálise da reforma normativa no sector pesqueiro, unha demanda histórica do BNG como do propio sector do mar. Pérez lembrou que, malia que o Consello da Xunta deu conta en xullo de 2024 dun informe que anunciaba unha “profunda reforma” da normativa pesqueira —incluíndo seis decretos e nove ordes—, un ano despois non se coñecen avances significativos nin prazos concretos.
“Non sabemos se están realmente traballando nesa reforma ou se quedou, coma outras veces, nun simple anuncio para a galería”, advertiu a deputada nacionalista, quen puxo o foco especialmente no Decreto 15/2011 de Artes e Aparellos, un texto clave para a ordenación do sector que leva máis de catorce anos sen actualizarse, a pesar das reiteradas demandas das confrarías e dos profesionais do mar.
Pérez tamén denunciou o malestar expresado publicamente pola Federación de Confrarías de Pontevedra pola falta de diálogo coa Consellería do Mar e cuestionou que se estea contando de forma efectiva coa participación do sector neste proceso. “É fundamental que esta reforma non se faga de costas ao sector, porque son eles os que mellor coñecen as necesidades e as deficiencias da normativa actual”, subliñou.
A deputada do BNG insistiu na urxencia de simplificar e racionalizar a actual normativa, marcada pola hiperregulación e a dispersión normativa, pero advertiu que esta simplificación “non pode supoñer unha rebaixa nos estándares de protección nin para o ecosistema mariño nin para os dereitos dos traballadores e traballadoras do mar”.
Por último, Pérez exixiu ao goberno galego que concrete en que fase se atopa esta reforma, cando se prevé que estea finalizada e como se está garantindo unha participación efectiva do sector pesqueiro no proceso. “O sector leva moitos anos esperando e xa non admite máis demoras”, concluíu.
Este lume iniciouse ás 14.51 horas do luns e para a súa extinción mobilizáronse, de xeito acumulado, 2 técnicos, 14 axentes, 20 brigadas, 21 motobombas, 1 pa, 5 helicópteros e 7 avións. 
José Luis Teso Celis é o vendedor da ONCE que repartiu estes cartos na localidade mariñá, desde o seu punto de venda situado na Avenida da Mariña, número 46.
Durante a xornada realizarase un mural inspirado na obra Diálogo (1946) de Luís Seoane, que Maruja Seoane levou a tapiz ese mesmo ano. A organización convida a toda a veciñanza a participar con lecturas, conversas, cantos, bailes e un xantar compartido.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
