Afianzanse as posicións na liga de bolos de Xove

Nota de prensa

XXIIª  TIRADA DE BOLOS  – XIª SUB 18 –  IIª LIGA FEMININA

(TEMPORADA  2010/2011)

Organiza:    Concellería de Cultura do Concello de Xove

Colaboran: IES Illa de Sarón de Xove

Autoescuela Mundial Xove

INCIDENCIAS DA   14ª  TIRADA

(CENTRO SOCIAL DE A VARA- Sábado,  5 FEBREIRO 2011)

-Tarde bastante agradable, iso sí, con ameazas constantes de choiva. Campo mollado, en regular estado.

-42 inscritos,    24  na Liga Senior,    9  na Sub 18 e  9 na Liga Feminina.

Liga Senior.- Segunda victoria de Jose Vigo, o cal lle permite pasar á octava posición, pero moi lonxe dos postos de honra. A clasificación nos tres primeiros lugares non varía, pero a tenor do visto ata este intre na segunda volta deste ano, Arturo Vigo está moi sólido e regular, o que lle permite encabezar con 98 puntos e aumentar  a súa vantaxe sobre José Rafael González, que é segundo con 90. En terceira posición vemos a Luis Rancaño con 83, xa un pouco alonxado da cabeza, pero que está nunha zona intermedia que inda lle permite aspirar a todo, e ao mesmo tempo vese ameazado polo cuarto clasificado, Ginés Rodríguez, vixente campión, quen lle podería quitar esa posición de privilexio. Polo tanto, a falla de 4 tiradas para rematar a temporada, campionato inda moi aberto, pero que xa vai definindo posicións. A partir de agora que ninguén se despiste, xa que tódolos puntos en xogo valen o seu peso en ouro.

Liga Sub 18.- Segunda victorai consecutiva, con bolada, de Aitor Bouso, o cal lle permite acortar inda máis a diferencia coa líder.  Salomé Cardoso encabeza con 53 puntos, e mantén o liderato gracias á segunda posición obtida este fin de semana na Boleira do Cruceiro. Aitor colócase a só dous puntos, e con 51 puntos pode aspirar a todo. Terceiro sigue Daniel López con 40 puntos e que leva duas semanas sen puntuar, dahí que perdera o tren de cabeza; inda que matematicamente pode coller aos dous primeiros, antóxasenos difícil que o poida facer nas catro probas que quedan, xa que está a amosar un xogo moi irregular.  Estes tres xogadores vanse disputar, sen ningunha dúbida, as tres primeiras posicións que dan dereito aos caixóns de honra. Cuarto e quinto temos a Claudia Fernández e Samuel Rey con 22 e 19 puntos respectivamente, pero sinceiramente pensamos que xa non teñen tempo de recuperar o perdido e alcanzar aos de cabeza.

Liga Feminina.- Mal tirada das favoritas, xa que do trio de cabeza só Carmen Roca foi capaz de sacar dous puntos. Victoria de  Salomé Bermúdez, seguida da Sub 18 Salomé Cardoso.Dolores Baño sigue instalada solidamente na cabeza con 50 puntos a pesares de non puntuar.  Segunda é Belén Meitín con 45 e terceira a vixente campiona Carmen Rocal con 43, que lles acorta lixeiramente a distancia ás primeiras. Concepción piñeiro con 32 e Salomé Cardoso con 30 inda matematicamente poderían aspirar a un dos tres postos de cabeza, quizais ao terceiro, pero antóxasenos arto difícil que nas catro probas restantes poidan asaltar o primeiro ou segundo posto.

A Vindeira tirada, e cuarta  da Segunda Volta, vai ter lugar na BOLERA DO CENTRO SOCIAL DE A VARA, NA PARROQUIA DE XUANCES  O VINDEIRO SÁBADO, 12 DE FEBREIRO DE 2011.