Nota de prensa
O BNG DE FOZ RECLAMA O XERIATRICO E ACUSA AO PP NA XUNTA DE SECTARISMO POLÍTICO
Basanta rexeita o trato discriminatorio que o PP ten con Foz e cre que este agravio vai saírlle caro nas próximas eleccións municipais
Foz, 7 de febreiro de 2011.- O BNG ten que manifestar o seu rexeitamento ao trato discriminatorio que a Xunta de Galiza está facendo con Foz no que respecta á dotación da Residencia da Terceira Idade e do Centro de Día.
Este fin de semana todos os focegos puidemos contemplar como cargos relevantes do PP na Xunta colocaban a primeira pedra da Residencia e do Centro de Día de San Cibrao así como o anuncio da construcción de Centros de Día no Vicedo e Lourenzá. E felicitámonos porque esas localidades se doten de tales servizos. Agora ben, non compartimos a forma de actuar tan desigual do PP cando se trata de dotar de servizos aos concellos da Mariña. Resulta que para Foz é necesario segundo os dirixentes do PP na Xunta un estudo de viabilidade do que todas estas localidades das que falamos non consta que se fixera. A pregunta é clara e obvia: ¿porque só Foz necesita un estudo para dotala dunha Residencia mentres as demais localidades non? A única razón que pode haber para este trato tan dispar entre localidades da Mariña non é outra que o sectarismo político, posto que todas estas localidades están gobernadas polo PP e Foz non. “O estudo de viabilidade non é máis que unha argucia do PP para xustificar a decisión de que Foz non contará nesta lexislatura nin coa Residencia nin co Centro de Día tan necesarios e demandados” asegura Basanta, o portavoz municipal.
Para o BNG e para a maioría dos veciños, Foz ten tanta necesidade ou máis que calquera outra localidade da Mariña que actualmente non teña unha Residencia ou un Centro de Día: por historia, por territorio, por poboación, por número de maiores de 65 anos, pola súa ubicación e por moitas outras razóns. Ademais de ter os terreos cedidos á Xunta hai máis dun ano e porque a Xunta xa tiña previsto construíla xunto á de Viveiro. Agora e por decisión partidista do PP, Foz ten que esperar ou no peor dos casos ter que devolver os terreos ao Padroado do Asilo por non executar a obra en tempo e forma, co que isto significaría.
O BNG critica tamén a actitude do PP de Foz porque ou non se fan valer no seu partido ou é que o seu partido non os toma en serio ata o punto de que non só non calan diante desta afronta da Xunta a Foz senón, é o que aínda é máis grave, que xustifican e dan por boa esta decisión. Está claro que non defenden os intereses dos veciños de Foz e nestes momentos é onde se ven o valor e a valía dos políticos. O mínimo que se lle pode pedir a calquera representante municipal ou alguén que aspira a representar aos seus veciños nunha corporación local é defender os intereses destes, e o que está claro despois do que acontece coa Residencia é que para o PP local os seus veciños nada importan a non ser para roubarlles o voto. “Desde o BNG só esperamos que esta actitude do PP se lle teña en conta nas próximas eleccións municipais pois non é xustificable o silencio que practican diante deste agravio da Xunta”, apostilou Basanta.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
