O próximo Venres, 28 de decembro, a partires das 18:00 h, a súa Alteza Real, o Príncipe Aliatar estará no local social para recoller as cartas e peticións para os Reis Magos, dos nenos e nenas da asociación Pasiño a Pasiño .
O sábado 16 de novembro ás 19:00 H. no Centro Sociocultural continúa o mes de teatro do concello dentro do programa Buxiganga cofinanciado pola Deputación. Desta volta coa visita do grupo O Torques de Burela coa súa última obra titulada "Cena de familia", unha comedia actual na que un asasinato da moito que facer aos herdeiros.
As monitoras explicaron que "fixemos unha representación por clase do conto Carapuchiña Vermella, iso sí, modificado, neste caso o título foi Carapuchina caminante e o lobo veloz". Para Gaia "as primeiras idades son especialmente significativas para a creación de hábitos, actitudes, comportamentos e valores seguros, de aí que adiquemos parte do noso tempo a esta temática. Consideramos que este foi un xeito divertido de aprender educación vial, e queremos darle as grazas á DXT de Lugo que foi quen nos prestou o material para levar a cabo esta actividade".
A benxamín Lidia Balseiro e a infantil Iria Rodríguez acudían o pasado sábado a Burgos para participar no Cros Internacional de Atapuerca.
Lidia alcanzaba a 6ª posición final dun total de 400 atletas e Iria entraba en categoría infantil entre as 20 primeiras clasificadas dun total de 360.
Senllas atletas competiron con moito frío e auga pero aínda así regresaron encantadas desta nova experiencia, xa que tiveron a ocación de estar ó carón de grandes ídolos como a vencedora feminina Senbere Teferi ou o masculino Ouassim Oumaiz, ademais de estar con ilustres como Fernando Carro ou Aadel Mechaal
A actividade inclúe a viaxe en autocar, o almorzo, seguro de viaxe, visita a Astorga e comida do típico cocido maragato na localidade de Castrillo de los Polvazares . O prezo é de 45 euros por persoa. Para a reserva de prazas nesta excursión hai que dirixirse á axencia de viaxes Augasantas, que está no baixo número 6 das galerías San Francisco-Reinante, de Ribadeo, ou ben chamar aos teléfonos 676.445.465 ou 982.877.470.
Esta fin de semana o pavillón da parroquia de San Román acollerá dúas representacións teatrais. O sábado ás 18:00 horas, O Grupo de Teatro O Bordelo ofrecerá a súa obra "Toluras de Proveito", autoría de Paco Piñeiro. O domingo á mesma hora, será o Grupo de Teatro O Torques o que acturará coa obra "Cena de Familia".
O pasado sábado, as Asociacións de Veciños Nª Sª de Lieiro e Burgo de Trasbar, reuníronse de novo para referendar o seu Irmandamento. Nesta ocasión o encontro tivo lugar no Local social de “Burgo de Trasbar”, onde veciños de ambas as localidades, acompañados por autoridades locais, gozaron dunha agradable comida. Con esta nova xuntanza as Asociacións, queren selar o Irmandamento asinado o 10 de xuño de 2017 cando se reuniron por primeira vez en Lieiro coa idea de “facer pobo”, potenciando a convivencia entre persoas de ambas as aldeas e a realización de actividades en conxunto entre ambas as Asociacións.
O vindeiro 5 de decembro de 16 a 20 horas, terá lugar no Centro Sociocultural de Alfoz un obradoiro no que se desenvolverá o seguinte programa: Uso adecuado e responsable da medicación. Atención inicial en situacións de urxencia máis frecuentes: traumatismo, dificultade respiratoria, dor torácica, queimaduras, perda de coñecemento, diabetes, reaccións alérxicas, RCP básica, etc. Entregarase certificado de asistencia. Inscricións no Concello de Alfoz ou no número de teléfono 982.55.80.01.