A preparadora ferrolá é unha grande coñecedora do fútbol sala autonómico e convértese na primeira muller que se sitúa á fronte do banco laranxa
Burela, 10 de xullo, 2025. A ferrolá Belén Feal é a nova adestradora do conxunto feminino do Burela FS. Será a encargada de dirixir este curso en Primeira División o anovado proxecto laranxa, nunha tempada de transición na que guiará un proxecto humilde, pero con aspiracións, e adaptado á realidade actual do club. É a primeira muller que se pon á fronte do equipo feminino burelés na súa historia.
Belén Feal Cabezón (Ferrol, 2-11-1996), enxeñeira de deseño industrial de profesión, é unha ampla coñecedora do fútbol sala galego. Como xogadora formouse na canteira do Parrulo e o Comarcal A Fervenza, logrando chegar a estrearse en Primeira División co Valdetires Ferrol. Ademais, era unha habitual nas seleccións galegas de base formando parte dunha gran xeración de futbolistas que continúan agora competindo na máxima categoría como a internacional Vane Sotelo, a ourensá Ana Rivera, a nedesa Ale de Paz ou a pontevedresa Nere Moldes, así como a mariñá Paula Cortiñas, actualmente en Segunda División. Con elas logrou no 2015 o Campionato de España Sub-21 de seleccións autonómicas.
Dúas lesións graves de xeonllo apartaron do parqué a Belén Feal e xa moi axiña se centrou no traballo nos bancos. No 2017 estreábase dirixindo na base do actual A Fervenza-Narón O Freixo, club co que gozou esta pasada tempada da súa primeira experiencia a cargo dun equipo sénior. Logrou levar ao conxunto de Ferrolterra á terceira praza da Primeira Futgal con tan só tres derrotas en 26 encontros disputados.
Na campaña anterior, a 2023/2024 tamén saboreou a súa primeira experiencia nun banco de Segunda División, aínda que neste caso foi como segunda adestradora do Valdetires Ferrol. Así mesmo, nestes dous últimos cursos foi a seleccionadora do combinado galego Sub-10 feminino, co que se proclamou campioa de España o pasado mes de maio en Murcia.
Belén Feal chega a Burela con moita ilusión e ganas de aproveitar esta oportunidade para demostrar a súa valía dirixindo a un dos clubs históricos do fútbol sala español. “Para min é un soño e é unha grande oportunidade. Agradezo a confianza depositada en min”, sinala a adestradora ferrolá.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
