Rosana Pérez critica a dobre vara de medir dos populares, que mentres gobernaba Rajoy dicían que os bidóns radioactivos non eran preocupantes
Santiago de Compostela, 9 de xullo, 2025. Pleno. A portavoz de Mar do BNG, Rosana Pérez, denunciou no Parlamento a política de “brazos cruzados” do Goberno do PP diante do “risco potencial” do cemiterio nuclear da Fosa Atlántico e “sen facer valer en ningún momento a necesidade de garantir a protección fronte ás verteduras de residuos nucleares tan preto de Galiza”. “Un Estado ausente e unha Xunta desaparecida, tanto que o propio presidente Rueda recoñeceu que a Xunta non se preocupou nin polos bidóns nin polo seu estado nin polas súas posibles consecuencias”, censurou.
“Van facer algo para que se investiguen e se leven a cabo controis sobre o estado dos residuos radioactivos na Fosa Atlántica?”, preguntoulle Rosana Pérez á conselleira de Medio Ambiente, Ánxeles Vázquez, á que recriminou a “dobre vara de medir” do PP, que agora pide explicacións ao Goberno do Estado polas 140.000 toneladas de residuos radioactivos vertidos no Atlántico pero “nin as pediu nin fixeron absolutamente nada” durante os oito anos nos que Rajoy foi presidente do Goberno central e Feijóo titular da Xunta.
Malia que segundo algunhas estimacións hai arredor de 220.000 barrís depositados fronte ás costas galegas desde hai máis de 40 anos sen ser supervisados até o momento, Rosana Pérez lamentou que o desinterese do PP chegue a tal punto que a propia conselleira de Medio Ambiente chegou a “fachandear” nas súas propias redes “dun descoñecemento ou dun cinismo supino” sobre esta cuestión.
Nestes momentos, lembrou, estase a levar a cabo a primeira misión para vixiar os bidóns con material contaminante por parte dunha expedición francesa. Misión que se centra nun único punto de vertedura, situado a uns 500 quilómetros de Galiza, dos 12 identificados polo Organismo Internacional da Enerxía Atómica ao longo da costa atlántica europea.
Criticou, neste punto, que aínda que este non é o único punto de vertidos preto das costas galegas, non exista un programa regular de vixilancia da radioactividade, tal e como recoñeceu a Comisión Europea no 2023 á eurodeputada do BNG, Ana Miranda, que leva anos pedindo unha investigación da UE que aínda non chegou.
O BNG tense interesado por este tema en diversas ocasións tamén no Parlamento galego e no Congreso dos Deputados e, malia iso, non é até o de agora cando o PP pide explicacións “como se non souberan nada”, asegurou Rosana Pérez, que aludiu na súa intervención ao “sorprendida” que se amosou tamén estes días polos depósitos da Fosa Atlántica a ex conselleira do Mar durante 14 anos, Rosa Quintana.
Lembrou, ademais, que en resposta a unha iniciativa do BNG, no 2012 o deputado do PP por Ourense Guillermo Collarte chegou a dicir que “generar inquietud en una cuestión que afortunadamente no parece que plantee dificultades me parece que es gratuito y que no tiene demasiado sentido”.
“Esta é a dobre vara de medir do PP. Cando gobernan no Estado non é un tema que presente dificultades e cando non gobernan, como agora, falan dun material potencialmente perigoso fronte á nosa costa. No 2012 non era un tema preocupante e no 2025 vostedes esixen explicacións como se non souberan nada do asunto”, manifestou, para reclamar a continuación un posición máis activa do Executivo galego para que se investiguen e se sometan a máis controis os residuos da fosa Atlántica.
.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A presidenta do Consello da Cultura Galega, Rosario Álvarez, destacou o carácter participativo da iniciativa, organizada xunto á Xunta e co apoio do Concello. O director xeral de Cultura, Anxo Lorenzo, puxo en valor o traballo colectivo e a implicación das novas xeracións. O concerto estivo dirixido por Maximino Zumalave, coa formación Hércules Brass e Rosa Aneiros como mantedora. Ademais, anunciouse que a próxima edición estará dedicada a Xosé Neira Vilas.
O vendedor da ONCE Daniel José López Legaspi foi quen levou a sorte ao municipio desde o seu posto de venda situado na Praza Maior.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
