Estamos a vivir unha nova etapa histórica transcendente porque supón un cambio de modelo, de paradigma. Pero este feito non é algo novo na historia do mundo occidental.
Despois da caída do Imperio romano iniciose no espazo europeo a construción do primeiro gran paradigma do que vai ser o mundo occidental. Un paradigma que tiña a Deus e polo tanto o cristianismo como o centro motivador e integrador do espazo europeo. Este modelo, séculos despois, sería superado por unha nova realidade que encontrará na política o elemento necesario para estruturar e integrar a esa nova realidade. Este feito dará lugar ao nacemento do Estado moderno como gran estrutura política e elemento central de toda unha época que remataría coa Revolución francesa e americana .
Logo, xa no século XIX, a Revolución industrial e os movementos obreiros marcarán o inicio dunha nova época dominada dominada pola realidade socio- económica. Hoxe ese paradigma que tanto condicionou as nosas vidas ata os anos setenta do século XX está rematando e polo tanto, xa non explica a nova realidade emerxente.
Coido que esta nova realidade que estamos a vivir só se pode explicar dende o fenómeno da globalización económica e dende os enormes avances tecnolóxicos que están cambiando a velocidade de vértigo o noso mundo. Estamos a falar de dous feitos, polo tanto, que fixeron que a realidade económica, dinamizadora e integradora das nosas sociedades ata os anos setenta do século pasado rachara coa realidade socio-politica. Tal situación fai que os novos actores económicos e tecnolóxicos que se foron creando ao longo deste último medio século estean xa a actuar a nivel trasnacional mentres, o resto dos actores, sociais e políticos, só o poidan facer a nivel nacional ou local. Esta é, ao meu modo de ver, a gran fractura que estamos a sufrir e que está desintegrando a realidade socio- política.
Necesitamos, xa que logo, un elemento integrador da nova realidade que volva poñer ao ser humano no centro con capacidade de ser suxeito e coido, como nos deixóu dito Alain Touraine, que a fórmula pasa polo Dereitos humanos como base da dignidade e núcleo da da democracia. Unha norma universal que está máis aló da clase, da raza, do xénero e da orixe e polo tanto con toda a capacidade para unir e vertebrar aos diferentes na defensa da dignidade frente a humillación.
Esta, coido que debe ser a gran aposta das democracias occidentais para volver integrar a realidade e rachar cos camiños que nos poidan levar a sistemas totalitarios.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
O acto está organizado pola Asociación de Irmandade Locudy, nunha proposta cultural que pon o foco na relación entre Galicia e Bretaña a través da figura de Castelao.
Era o único ocupante do vehículo. O 112 Galicia tivo coñecemento do accidente uns minutos despois das 10:00 horas deste domingo. Segundo indicou un particular, un coche caera por un desnivel duns 20 metros no quilómetro 2 da LU-P-6104. Desde a Sala de Operacións do 112 Galicia informouse ao Servizo de Urxencias Sanitarias de Galicia-061, aos Bombeiros de Barreiros, á Garda Civil de Tráfico e á Agrupación de Voluntarios de Protección Civil de Trabada. Unha vez no punto, os servizos de emerxencias indicaron que había unha persoa falecida, único ocupante do vehículo, sen que nada se puidera facer por salvarlle a vida.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continuou o sábado coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
