Ribadeo, 9 de xullo de 2025. Ribadeo é un exemplo de accesibilidade para a Federación Española de Municipios e Provincias. O alcalde, Dani Vega, participou nun evento celebrado esta mañá en Madrid.
O rexedor explicou que “no encontro que tivemos moitos concellos e tamén provincias de toda España, Ribadeo foi recoñecido como un municipio que nos últimos anos camiñou e fixo o traballo ben feito no tocante á accesibilidade. Falo de mellorar os edificios, de facelos máis accesibles, falo da rampla da Praza de Abastos, tamén máis accesible a Escola de Música con ese ascensor, con esa rampla para que moitas persoas poidan acudir, tamén facer máis accesible o centro de día, o centro social, a praza Pancho Maseda, que ata e agora era imposible acudir, e agora si cunha cadeira de rodas, ou tamén entrando calquera vehículo para que no centro social poida entrar unha ambulancia. Facer máis accesible tamén a biblioteca municipal, ata o de agora non se podía entrar cunha cadeira de rodas, hoxe xa se pode facer”.
Dani Vega subliñou que “melloramos a accesibilidade dos edificios e tamén melloramos a accesibilidade nas rúas. Todas esas melloras que se foron facendo nas rúas, facelas máis accesibles, tamén foi recoñecido Ribadeo. É un orgullo que se fixen en Ribadeo, queda moito por facer, evidentemente, estamos traballando en moitas propostas, en colaboración coa Federación de Municipios e Provincias, pero estamos orgullosos de que se recoñeza o noso traballo, iso é dicir con moita claridade que todos os concellos de España, todas as provincias de España se fixan en Ribadeo por un traballo ben feito. Isto tamén é grazas aos técnicos municipais, tanto o arquitecto do Ari como o arquitecto que leva toda a humanización e urbanización do Ribadeo. Quero felicitar aos técnicos municipais e tamén a Área de Benestar Social, porque está facendo un traballo moi importante de recoller datos e tamén asesorar ao goberno para facer Ribadeo mais accesible.
E engadiu: “Repito, estamos diante dun traballo ben feito, pero queda moito por facer, nada de estar evidentemente tranquilos, queda moito por facer porque as persoas son o centro da nosa actividade e polo tanto creo que entre todos debemos facer a Ribadeo moito máis accesible”.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
